"Azərbaycanın təbiəti və Azərbaycanda
olan bütün başqa infrastruktur buna
imkan verir ki, ölkəmizə turistlər gəlsinlər"

Heydər Əliyev

 

 

 

Naxçıvan Dövlət Xalça Muzeyinə sakinlər tərəfindən yeni eksponatlar təqdim olunub

Maddi-mədəni irsimizin qorunmasında və təbliğində muxtar respublika sakinləri də səylərini əsirgəmir, bu istiqamətdə həyata keçirilən tədbirlərdə fəallıq göstərir, əldə olunan maddi-mədəniyyət nümunələrini muzeylərimizə hədiyyə edirlər.

Dekabrın 23-də Nehrəm kənd sakini, Naxçıvan Muxtar Respublikasının Əməkdar mədəniyyət işçisi Akif Hacıyev tərəfindən XIX əsrin sonuna aid yun palaz, XX əsrin əvvəllərinə aid parça arxalıq, XX əsrə aid dəmir həvə, XX əsrin ortalarına aid qadın yun corabı, XX əsrin əvvəllərinə aid açıqqızılı rəngli parça örtük, Sədərək kənd sakini Kəmalə Əliyeva tərəfindən ağ rəngli toxuma əl işi, Nəhəcir kənd sakini Qalib Nağıyev tərəfindən, təxminən, 200 illik tarixi olan cəhrə, Axura kənd sakini Firuzə Mehdiyeva tərəfindən yun darağı, Şahbuz şəhər sakini Vahab Hüseynov tərəfindən XIX əsrin sonu, XX əsrin əvvəllərinə aid xalça Naxçıvan Dövlət Xalça Muzeyinə təqdim olunub.

Bu münasibətlə keçirilən tədbirdə çıxış edən Naxçıvan Muxtar Respublikasının mədəniyyət və turizm naziri Natəvan Qədimova bildirib ki, muxtar respublikada bütün sahələr, o cümlədən mədəniyyət sahəsi də inkişaf etdirilir. Bu gün tariximizin, mədəniyyətimizin, adət-ənənələrimizin qorunub gələcək nəsillərə çatdırılması daim diqqət mərkəzindədir. Naxçıvan Muxtar Respublikasında 29 muzey və muzeytipli müəssisə fəaliyyət göstərir. Həmin mədəniyyət müəssisələrində 112 mindən çox maddi-mədəniyyət nümunələri qorunub saxlanılır. Müstəqillik illərinə qədər muxtar respublika ərazisində 13 muzey fəaliyyət göstərirdisə, ötən dövrdə 16 muzey yaradılıb.

Artıq 5 ilə yaxındır ki, Naxçıvan Dövlət Universitetində muzey işi sahəsində ixtisaslı kadrlar yetişdirilir. Bu gün muzeylərimizi ziyarət edənlərin sayı əhəmiyyətli dərəcədə artıb və muzey işçilərinin öhdəsinə daha böyük vəzifələr qoyulub. Naxçıvan Muxtar Respublikası Ali Məclisi Sədrinin “Muzeylərlə əlaqələrin daha da gücləndirilməsi haqqında” 2014-cü il 19 dekabr tarixli Sərəncamına əsasən, muxtar respublikanın nazirlik, komitə və təşkilatlarının kollektivləri mütəşəkkil şəkildə muzeylərimizi ziyarət edirlər. Bundan başqa, tələbə-gənclərin, şagirdlərin, müxtəlif xidmət sahələrində çalışanların da muzeyləri ziyarəti təmin olunub. Təkcə bu ilin ötən dövrü ərzində muzeylərimizi 29 mindən çox tamaşaçı ziyarət edib. Bunların arasında həm yerli sakinlər, həm Azərbaycanın digər regionlarından muxtar respublikamıza gələn qonaqlar və xarici ölkə vətəndaşları olublar. Naxçıvan Muxtar Respublikası Ali Məclisi Sədrinin “Naxçıvan Muxtar Respublikasının təhsil müəssisələrində elektron təhsilin təşkili ilə bağlı əlavə tədbirlər haqqında” 2014-cü il 20 iyun tarixli Sərəncamına əsasən, bu gün muzeylər ilə orta məktəblər arasında distant dərslər təşkil edilir.

Vurğulanıb ki, Naxçıvan Muxtar Respublikası Mədəniyyət və Turizm Nazirliyi tərəfindən mütəşəkkil şəkildə muzeylərimiz üçün maddi-mədəniyyət nümunələrinin toplanması işi də diqqətdə saxlanılır. Bu işdə muxtar respublika sakinləri öz köməkliklərini göstərirlər. Təkcə 2016-cı il ərzində muzeylərə 1500-ə yaxın yeni eksponat daxil olub. Bu tədbirlərin davamı olaraq bu gün Naxçıvan Dövlət Xalça Muzeyinə yeni eksponatlar təqdim edilir.

Sonra Nehrəm kənd sakini Akif Hacıyev, Sədərək kənd sakini Kəmalə Əliyeva, Nəhəcir kənd sakini Qalib Nağıyev, Şahbuz şəhər sakini Vahab Hüseynov çıxış ediblər. 

Çıxışlarda bildirilib ki, bu gün muxtar respublikada maddi-mədəni irsimizin qorunub yaşadılması sahəsində ardıcıl tədbirlər görülür. Muzeylərin eksponatlarla zənginləşdirilməsi, yeni muzeylərin yaradılması sahəsində Naxçıvan Muxtar Respublikası Ali Məclisinin Sədri tərəfindən həyata keçirilən tədbirlər minnətdarlıqla qarşılanır. Hər kəs mədəni irsimizin qorunub yaşadılması sahəsində həyata keçirilən tədbirlərə öz töhfəsini verməyə çalışır. Sakinlər tərəfindən qədim məişət əşyalarının, xalçaların muzeylərə təqdim edilməsi də, bu mənada, mühüm əhəmiyyətə malikdir. Bu eksponatların muzeylərimizə verilməsi zəngin mədəni irsimizin qorunub yaşadılmasına və gələcək nəsillərə çatdırılmasına xidmət edir. Muxtar respublikada maddi-mədəniyyət nümunələrinin toplanmasında bundan sonra da fəal iştirak edəcəyik.

Sonda tədbir iştirakçıları muzeylə tanış olublar.

 

Prev Next

Kəngərli Rayon Tarix-Diyarşünaslıq Muzeyində muzey bələdçiləri üçün növbəti…

22-06-2017 Hits:183

Kəngərli Rayon Tarix-Diyarşünaslıq Muzeyində muzey bələdçiləri üçün növbəti seminar-treninq keçirilib

Muxtar respublikamızın muzey bələdçiləri üçün seminar-treninqlərin keçirilməsi davam etdirilir. Növbəti belə tədbir Kəngərli Rayon Tarix-Diyarşünaslıq Muzeyində olub. Naxçıvan Muxtar Respublikası Mədəniyyət və Turizm Nazirliyinin təşkilatçılığı ilə keçirilən seminar-treninqdə Nazirliyin Mədəni irs...

Ardını oxu...

“Xalq teatrlarının muxtar respublika festivalı – 2017” başa çatıb

21-06-2017 Hits:254

“Xalq teatrlarının muxtar respublika festivalı – 2017” başa çatıb

Festivalın son günü Cəlil Məmmədquluzadə adına Naxçıvan Dövlət Musiqili Dram Teatrının səhnəsində Rza Təhmasib adına Şərur Rayon Xalq Teatrı böyük rus şairi Aleksandr Sergeyeviç Puşkinin “Motsart və Salyeri” faciəsi əsasında...

Ardını oxu...

Uşaq Kitabxanasının kollektivi növbəti "Nağıl günü" keçirib

21-06-2017 Hits:247

Uşaq Kitabxanasının kollektivi növbəti "Nağıl günü" keçirib

A.Babayev adına Naxçıvan Muxtar Respublikası Uşaq Kitabxanasının kollektivi uşaq bağçalarında keçirilən ənənəvi “Nağıl günləri”ni davam etdirirlər. Kitabxana kollektivi 20 iyun 2017-ci il tarixdə Naxçıvan şəhərindəki 15№-li uşaq bağçasında olmuş, uşaqlara...

Ardını oxu...

Gənclərin ekskursiyası təşkil olunub

20-06-2017 Hits:203

Gənclərin ekskursiyası təşkil olunub

İyunun 20-də Naxçıvan Muxtar Respublikası Mədəniyyət və Turizm Nazirliyinin tabeliyində olan müəssisələrdə çalışan fəal gənclərin Batabat Astrofizika Rəsədxanası və Şahbuz Dövlət Təbiət Qoruğuna ekskursiyası təşkil olunub. Batabat Astrofizika Rəsədxanasında olan gənclərə...

Ardını oxu...

Kursu bitirənlərə sertifikatlar verilmişdir

20-06-2017 Hits:155

Kursu bitirənlərə sertifikatlar verilmişdir

Naxçıvan Muxtar Respublikası Mədəniyyət və Turizm Nazir­liyi və Naxçıvan Müəllimlər İnstitutunun birgə təşkilatçılığı ilə kitabxana işçiləri üçün keçirilən 10 günlük kurs başa çatmışdır.  Bu münasibətlə Naxçıvan Musiqi Kollecində keçirilən tədbirdə çıxış...

Ardını oxu...

“Xalq teatrlarının muxtar respublika festivalı – 2017” davam edir

20-06-2017 Hits:178

“Xalq teatrlarının muxtar respublika festivalı – 2017” davam edir

Festival Naxçıvan Muxtar Respublikası Ali Məclisi Sədrinin 2009-cu il 7 fevral tarixli “Naxçıvan Muxtar Respublikasında Xalq yaradıcılığı günlərinin keçirilməsi haqqında” Sərəncamına uyğun olaraq keçirilir. Dünən Naxçıvan Şəhər “Gənclik” Xalq Teatrı Xalq...

Ardını oxu...

Uşaq Musiqi məktəblərinin hesabat konserti olmuşdur

19-06-2017 Hits:88

İyunun 17-də Naxçıvan Dövlət Uşaq Teatrında Naxçıvan şəhərindəki 2№-li və 4 №-li uşaq musiqi məktəblərinin birgə hesabat konserti olmuşdur. Tədbirdə çıxış edən Naxçıvan şəhər Mədəniyyət və Turizm Şöbəsinin müdiri Təranə...

Ardını oxu...

Bəhruz Kəngərli Muzeyində tədbir keçirilib

17-06-2017 Hits:168

Bəhruz Kəngərli Muzeyində tədbir keçirilib

Naxçıvan şəhərindəki Bəhruz Kəngərli Muzeyinin yaranmasının 15 illiyinə həsr olunmuş tədbir keçirilib. Tədbiri giriş sözü ilə muzeyin direktoru Səbinə Əlincəli açaraq qeyd edib ki, günümüzdə muxtar respublikamızda görkəmli şəxsiyyətlərin xatirələrinin əbədiləşdirilməsi...

Ardını oxu...

Naxçıvan Dövlət Uşaq Filarmoniyasının Kəngərli rayonunda konserti olmuşdur

17-06-2017 Hits:209

Naxçıvan Dövlət Uşaq Filarmoniyasının Kəngərli rayonunda konserti olmuşdur

İyunun 16-da Kəngərli Rayon Mədəniyyət Evində Naxçıvan Dövlət Uşaq Filarmoniyasının konserti olmuşdur. Konsertin aparıcısı bildirib ki, ölkəmizdə uşaqların sağlam mühitdə böyümələri üçün hər cür şərait yaradılmışdır. Muxtar respublikamızda da uşaqların...

Ardını oxu...

İstirahət konserti təşkil olunub

16-06-2017 Hits:41

Muxtar respublikanın musiqi kollektivləri tərəfindən əhalinin istirahətinin mənalı təşkili, asudə vaxtın mənalı keçirilməsi məqsədilə konsertlər davam etdirilir. İyunun 15-də Naxçıvan Muxtar Respublikası Mədəniyyət və Turizm Nazirliyinin təşkilatçılığı ilə Naxçıvan şəhərindəki Heydər...

Ardını oxu...
00072818
Bu gün
Dünən
Bu həftə
Bu ay
Ümumi
63
294
1119
13063
72818

Tarix: 29-06-2017
Biz, sosial şəbəkələrdə: