"Azərbaycanın təbiəti və Azərbaycanda
olan bütün başqa infrastruktur buna
imkan verir ki, ölkəmizə turistlər gəlsinlər"

Heydər Əliyev

 

 

 

Naxçıvan-Təbriz-Tehran-Məşhəd sərnişin qatarı fəaliyyətə başladı

Dekabrın 29-da Naxçıvan-Təbriz-Tehran-Məşhəd sərnişin qatarı fəaliyyətə başlamışdır.

Naxçıvan Muxtar Respublikası Ali Məclisinin Sədri Vasif Talıbov tədbirdə çıxış edərək demişdir: 2016-cı il fevralın 23-də Tehran şəhərində “Azərbaycan Respublikası hökuməti ilə İran İslam Respublikası hökuməti arasında Azərbaycan və İran dəmir yollarının əlaqələndirilməsi haqqında” Saziş imzalanmışdır. İki dost və qonşu ölkə arasında əlaqələrin daha da dərinləşməsinə yönəlmiş həmin sazişə əsasən bu gün Naxçıvan-Təbriz-Tehran-Məşhəd sərnişin qatarı fəaliyyətə başlayır. 

Ali Məclisin Sədri yeni sərnişin qatarının istifadəyə verilməsi münasibətilə mərasim iştirakçılarını və istifadəçiləri təbrik edərək demişdir: Azərbaycan və İran xalqlarını tarix, mədəniyyət və ortaq dəyərlər birləşdirir. Azərbaycan xalqının ümummilli lideri Heydər Əliyev bu dəyərlərin inkişafına daim mühüm əhəmiyyət verirdi. Qeyd etmək xoşdur ki, bu gün dövlət başçılarının iradəsi ilə ikitərəfli münasibətlərimiz yeni mərhələyə yüksəlmişdir. Azərbaycan və onun Naxçıvan Muxtar Respublikası ilə İran və onun yaxın vilayətləri arasında imzalanan sənədlər, əldə olunan razılıqlar, münasibətlərimizin daha da genişləndirilməsi istiqamətində atılan addımlar siyasi, iqtisadi və mədəni sahədə əlaqələrin dərinləşməsi üçün yeni imkanlar açmışdır. Azərbaycan Respublikasının Prezidenti cənab İlham Əliyev bu imkanları nəzərə alaraq demişdir: “İranla Azərbaycan arasında olan münasibətlər çox sürətlə inkişaf edir. Siyasi, iqtisadi, humanitar və digər sahələrdə bizim aramızda əməkdaşlığın əməli nəticələri vardır”.

“Naxçıvan-Təbriz-Tehran-Məşhəd sərnişin qatarının fəaliyyətə başlaması dövlətlərarası və xalqlararası münasibətlərimizin daha bir inkişaf göstəricisi kimi məmnunluq doğurur. Eyni zamanda sərnişin qatarının fəaliyyəti insanlarımızı bir-birinə daha da yaxınlaşdıracaq, gediş-gəliş artacaq, turizm və humanitar sahədə əməkdaşlıq genişlənəcəkdir”, – deyən Ali Məclisin Sədri Naxçıvan-Təbriz-Tehran-Məşhəd sərnişin qatarının xeyirli-uğurlu olmasını arzulamış, təşkilatçılara və əməyi olanlara təşəkkürünü bildirmişdir.

“Azərbaycan Dəmir Yolları” Qapalı Səhmdar Cəmiyyətinin sədri Cavid Qurbanov çıxış edərək demişdir ki, ümummilli liderimizin əsasını qoyduğu inkişaf xətti bu gün ölkəmizdə davam etdirilir. Azərbaycan Respublikasında digər sahələrlə yanaşı, dəmir yolu şəbəkəsi də yenidən qurulur, bu sahədə müasir texnologiyaların tətbiqi sürətləndirilir. Hazırda ölkəmizdə dəmir yolunun inkişafı ilə bağlı bir sıra layihələr həyata keçirilir, beynəlxalq əməkdaşlıq genişləndirilir. Naxçıvan-Təbriz-Tehran-Məşhəd sərnişin qatarı da bu sahədə görülən işlərin davamıdır. 

Tədbirdə çıxış edən Azərbaycan Respublikasının iqtisadiyyat naziri Şahin Mustafayev qeyd etmişdir ki, Azərbaycan-İran əlaqələri strateji əməkdaşlıq səviyyəsinə yüksəlmişdir. Dövlət başçıları tərəfindən həyata keçirilən qarşılıqlı səfərlər əlaqələrə öz töhfəsini verməkdədir. Qeyd olunmuşdur ki, Naxçıvan Muxtar Respublikası blokada şəraitində yaşamasına baxmayaraq sürətlə və hərtərəfli inkişaf edir. Həyata keçirilən tədbirlərin nəticəsidir ki, muxtar respublikada enerji və ərzaq təhlükəsizliyi təmin olunmuşdur. Sərnişin qatarı Naxçıvan Muxtar Respublikası ilə İran arasında iqtisadi və turizm əlaqələrinin inkişafında mühüm rol oynayacaqdır. 

İran İslam Respublikasının rabitə və informasiya texnologiyaları naziri, hökumətlərarası komissiyanın həmsədri Mahmud Vaezi sərnişin qatarının fəaliyyətə başlaması münasibətilə təbriklərini çatdıraraq demişdir ki, son illər Naxçıvan Muxtar Respublikası hərtərəfli inkişaf etmişdir. Bu inkişaf Azərbaycan-İran ikitərəfli münasibətlərinə də öz töhfəsini verməkdədir. Ötən əsrin 90-cı illərində Naxçıvanda əsası qoyulan ikitərəfli əlaqələr bu gün müxtəlif sahələrdə davam etdirilir. Hökumətlərarası iqtisadi əməkdaşlıq komissiyası çərçivəsində həyata keçirilən layihələr Naxçıvan Muxtar Respublikasını da əhatə edir. Naxçıvan-Təbriz-Tehran-Məşhəd sərnişin qatarı İran və Azərbaycan arasında dostluq qatarı olacaq, əlaqələri daha da genişləndirəcək, turizm və iqtisadiyyatın bir çox sahələrində səmərəli əməkdaşlıq qurulacaqdır. 

İran İslam Respublikasının Dəmir Yollarının baş direktoru Səid Məhəmmədzadə öz çıxışında diqqətə çatdırmışdır ki, Naxçıvan-Təbriz-Tehran-Məşhəd sərnişin qatarı ölkələrimiz arasında dəmir yolu nəqliyyatının inkişafı sahəsində həyata keçirilən tədbirlərin davamıdır. Bu layihənin həyata keçirilməsi hər iki tərəfdən gediş-gəlişin artmasına, gələcək əməkdaşlıq imkanlarının genişləndirilməsinə səbəb olacaqdır. 

Sonra yeni yaradılmış keçid rejim zonasına və sərnişin vaqonlarına baxış olmuşdur. Bildirilmişdir ki, Naxçıvan və Culfa sərnişin vağzalı binalarında gömrük, miqrasiya, sərhəd buraxılışı və viza xidmətlərinin həyata keçirilməsi üçün zəruri şərait yaradılmışdır. Sərnişin qatarının fəaliyyətə başlaması üçün Bakı şəhərindən hər biri 36 yerlik kupe tipli 3 müasir sərnişin vaqonu gətirilmişdir. Naxçıvan-Təbriz-Tehran-Məşhəd sərnişin qatarı həftədə 2 dəfə yola düşəcək və il ərzində 12 min sərnişin daşınacaqdır. 40 İsveçrə frankı olan gediş haqqı biletin satış tarixində İsveçrə frankının manata olan məzənnəsi ilə müəyyən ediləcəkdir. Naxçıvan və Culfa dəmiryol stansiyalarında biletlərin satışı təşkil olunmuşdur. 

Sərnişin qatarı ilə tanışlıqdan sonra Naxçıvan Muxtar Respublikası Ali Məclisinin Sədri Vasif Talıbov və İran İslam Respublikasının rabitə və informasiya texnologiyaları naziri Mahmud Vaezi kütləvi informasiya vasitələrinə qısa müsahibə vermiş, tədbir iştirakçıları ilə birlikdə xatirə şəkli çəkdirmişlər.

Saat 11:00-da Naxçıvan-Təbriz-Tehran-Məşhəd sərnişin qatarı yola salınmışdır.

Prev Next

Beynəlxalq Kulinariya Günü qeyd olunub

20-10-2017 Hits:16

Beynəlxalq Kulinariya Günü qeyd olunub

Oktyabrın 20-də Beynəlxalq Kulinariya Gününə həsr edilmiş tədbir keçirilib. Əvvəlcə milli yeməklərimizdən ibarət sərgiyə baxış olub. Tədbiri Naxçıvan Muxtar Respublikası Mədəniyyət və Turizm Nazirliyinin şöbə müdiri Əkbər Novruzov giriş sözü...

Ardını oxu...

Rəssamlıq sənətində təbiət təsviri mövzusunda ustad dərsi keçilib

20-10-2017 Hits:183

Rəssamlıq sənətində təbiət təsviri mövzusunda ustad dərsi keçilib

Dünən Naxçıvan şəhərindəki Əcəmi seyrəngahında uşaq incəsənət və bədii sənətkarlıq məktəblərində dərs deyən müəllimlərin və rəsm ixtisası üzrə təhsil alan şagirdlərin iştirakı ilə ustad dərsi keçilib. Təbiət təsvirinə həsr olunmuş...

Ardını oxu...

M.S.Ordubadi adına Naxçıvan Muxtar Respublika Kitabxanada elmi konfrans keç…

19-10-2017 Hits:149

M.S.Ordubadi adına Naxçıvan Muxtar Respublika Kitabxanada elmi konfrans keçirilib

Oktyabrın 18-də M.S.Ordubadi adına Naxçıvan Muxtar Respublika Kitabxanasında AMEA-nın Naxçıvan Bölməsinin İncəsənət, Dil və Ədəbiyyat İnstitutu ilə M.S.Ordubadi adına Naxçıvan Muxtar Respublika Kitabxanası birlikdə Türk-islam ədəbiyyatının ilk  bədii əsəri olan Yusif Balasaqunlunun...

Ardını oxu...

Naxçıvanda ilk milli hərbi hissənin yaradılmasının 25-ci ildönümü qeyd olun…

19-10-2017 Hits:124

Naxçıvanda ilk milli hərbi hissənin yaradılmasının 25-ci ildönümü qeyd olunmuş, hərbi parad keçirilmişdir

Oktyabrın 18-də Azərbaycan Respublikasının Dövlət Müstəqilliyi günündə Naxçıvan Muxtar Respublikasında ilk milli hərbi hissənin yaradılmasının 25-ci ildönümü qeyd olunub. Naxçıvan Muxtar Respublikası Ali Məclisinin Sədri Vasif Talıbov və Azərbaycan Respublikasının müdafiə...

Ardını oxu...

"Müstəqilliyimiz əbədidir" mövzusunda mühazirə keçirilib

18-10-2017 Hits:101

Adil Babayev adına Naxçıvan Muxtar Respublikası Uşaq Kitabxanasının təkilatçılığı ilə  oktyabrın 17-də Dövlət Müstəqilliyi Günü ilə əlaqədar Naxçıvan şəhəri 16 nömrəli tam orta məktəbində "Müstəqilliyimiz əbədidir" mövzusunda mühazirə təşkil edilmişdir. Mühazirədə...

Ardını oxu...

Norveç Krallığının səfiri muxtar respublikanın təhsil, mədəniyyət və istehs…

18-10-2017 Hits:149

Norveç Krallığının səfiri muxtar respublikanın təhsil, mədəniyyət və istehsal müəssisələri ilə tanış olub

Norveç Krallığının ölkəmizdəki fövqəladə və səlahiyyətli səfiri Bard İvar Svendsen oktyabrın 16-17-də Naxçıvan Muxtar Respublikasında səfərdə olub. Səfər çərçivəsində qonaq muxtar respublikanın tarixi abidələri, təhsil, mədəniyyət və istehsal müəssisələri ilə...

Ardını oxu...

Muxtar respublikanın landşaft ekzotikliyi turizmin inkişafı üçün geniş imka…

18-10-2017 Hits:112

Muxtar respublikanın landşaft ekzotikliyi turizmin inkişafı üçün geniş imkanlar açır

Turizm bölgələrində ən çox diqqətçəkən tərəflərdən biri ərazilərin təbii zənginliklərə malik olmasıdır. Xüsusilə belə bölgələrdə müxtəlif təbiət abidələrinin mövcudluğu landşaft turizminin inkişafına lazımi şərait yaradır. Bəs landşaft turizmi nədir? Bu...

Ardını oxu...

"Müstəqilliyimiz əbədidir" adlı konfrans keçirilib

18-10-2017 Hits:112

"Müstəqilliyimiz əbədidir" adlı konfrans keçirilib

Oktyabrın 17-də M.S.Ordubadi adına Naxçıvan Muxtar Respublika Kitabxanasında "Azərbaycan Respublikasının Dövlət Müstəqilliyi Günü"nə həsr edilmiş "Müstəqilliyimiz əbədidir" adlı konfrans keçirilmişdir. Tədbiri giriş sözü ilə kitabxananın direktoru, tarix üzrə fəlsəfə doktoru...

Ardını oxu...

Duzdağ Fizioterapiya Mərkəzində "Asudə vaxt və bədii ədəbiyyat" a…

14-10-2017 Hits:227

Duzdağ Fizioterapiya Mərkəzində "Asudə vaxt və bədii ədəbiyyat" adlı konfrans keçirilib

Oktyabrın 13-də Məmməd Səid Ordubadi adına Naxçıvan Muxtar Respublika Kitabxanasının təşkilatçılığı ilə Duzdağ Fizioterapiya Mərkəzində həkimlər və orada müalicə alan xəstələrin iştirakı ilə "Mütaliə günü"nün keçirilməsinə dair "Asudə vaxt və bədii ədəbiyyat"...

Ardını oxu...

"Oxunması zəruri olan kitablar"ın təbliği ilə əlaqədar mütaliə gü…

14-10-2017 Hits:215

"Oxunması zəruri olan kitablar"ın təbliği ilə əlaqədar mütaliə günü keçirilib

Oktyabrın 13-də Adil Babayev adına Naxçıvan Muxtar Respublika Uşaq Kitabxanasının təşkilatçılığı ilə Naxçıvan Qızlar Liseyində "Oxunması zəruri olan kitablar"ın təbliği ilə əlaqədar Antuan de Sent-Ekzüperinin "Balaca Şahzadə" kitabının oxu və müzakirəsi keçirilmişdir. Tədbiri...

Ardını oxu...
00122950
Bu gün
Dünən
Bu həftə
Bu ay
Ümumi
332
502
2608
9151
122950

Tarix: 21-10-2017
Biz, sosial şəbəkələrdə: