"Azərbaycanın təbiəti və Azərbaycanda
olan bütün başqa infrastruktur buna
imkan verir ki, ölkəmizə turistlər gəlsinlər"

Heydər Əliyev

 

 

 

“Azərbaycan musiqi tarixindən” mövzusunda tədbir keçirilib

Dünən Sədərək rayon 1 nömrəli tam orta məktəbdə Naxçıvan Muxtar Respublikası Mədəniyyət və Turizm Nazirliyinin təşkilatçılığı ilə “Azərbaycan musiqi tarixindən” mövzusunda tədbir keçirilib.

Nazirliyin baş məsləhətçisi Kənan Tağızadə çıxış edərək bu mövzuda aparılan mühazirələrin məqsəd və əhəmiyyətindən danışıb. 

Sonra Sədərək Rayon Uşaq Musiqi Məktəbinin direktoru Vəfa Həsənova “Azərbaycan musiqi tarixindən” mövzusunda mühazirə ilə çıxış edib. Qeyd olunub ki, Azərbaycan musiqi mədəniyyətinin tarixi çox qədimdir. Gəmiqaya və Qobustan qayaüstü rəsmləri, arxeoloji qazıntılar zamanı əldə edilmiş maddi-mədəniyyət nümunələri musiqi mədəniyyətimiz haqqında dəyərli məlumatlar verir. Xalqımızın şifahi xalq ədəbiyyatında, Nizami, Xaqani, Füzuli, Nəsimi və başqalarının əsərlərində də orta əsrlərin musiqi həyatı haqqında çox zəngin məlumatlar vardır.

Bildirilib ki, bu gün ölkəmizdə, o cümlədən muxtar respublikamızda da musiqi mədəniyyətimizin inkişafı istiqamətində həyata keçirilən tədbirlər uğurla davam etdirilir. Hər il musiqi məktəbləri üçün yeni binaların inşa olunması, konsert salonlarının təmir edilməsi, musiqi sahəsində çoxsaylı müsabiqə və festivalların keçirilməsi bunun əyani ifadəsidir.

Mühazirə başa çatdıqdan sonra tədbir iştirakçıları “Azərbaycan musiqisi” sənədli filminə baxıblar.

00108448
Bu gün
Dünən
Bu həftə
Bu ay
Ümumi
35
442
876
7080
108448

Tarix: 20-09-2017
Biz, sosial şəbəkələrdə: