"Azərbaycanın təbiəti və Azərbaycanda
olan bütün başqa infrastruktur buna
imkan verir ki, ölkəmizə turistlər gəlsinlər"

Heydər Əliyev

 

 

 

 

Naxçıvan şəhər Mədəniyyət və Turizm şöbəsi gənc rəssamın sərgisini keçirib

Aprelin 13-də Ə.Cavid adına Musiqi və Bədii Sənətkarlıq məktəbində Naxçıvan şəhər Mədəniyyət və Turizm şöbəsinin tabeliyində fəaliyyət göstərən Tumbul kənd Mədəniyyət evinin Bədii rəhbəri İlkanə Quliyevanın “Naxçıvan İslam Mədəniyyətinin Pataxtı-2018” devizi altında əl işlərindən ibarət sərgisi keçirilib.

Naxçıvan şəhər Mədəniyyət və Turizm şöbəsinin müdiri Təranə Cəfərova çıxış edərək bildirib ki, İlkanə Quliyeva 23 avqust 1988-ci ildə Naxçıvan şəhərində anadan olmuş, 1995-2006-cı illərdə 705 saylı məktəbdə təhsil almış, 2008-ci ildə Naxçıvan Dövlət Universitetinin Təsviri İncəsənət fakultəsinə daxil olmuş və 2012-ci ildə  universiteti bitirmişdir. Universitetdə oxuduğu müddətdə onda əl işləri və sərgilərə maraq yaranmışdır.

İlkanə Quliyeva 16 oktyabr 2017-ci ildən  şöbəninin tabeliyində olan  Tumbul kənd Mədəniyyət evində bədii rəhbər vəzifəsində işləyir və az bir müddətdə dekorativ-tətbiqi sənət əsərlərini hazırlamışdır. Bu sərgidə vitraj sənəti, mozaika və kvilinq əl işlərindən ibarət 20 əsər nümayiş etdirmişdir. Bu əsərlərin dərnək üzvlərınə aşılanması və öyrədilməsi xalqımızın adət-ənənələrinin qorunması, yaradıcılıq qabiliyyətlərinin daha da inkişaf etdirilməsi, gənc nəslin mənəvi, bədii və estetik dünyagörüşünün formalaşması, gənclərdə vətənpərvərlik duyğularının daha da gücləndirilməsi məqsədi daşıyır .

Sərgiyə gələnlər onun işlərinə böyük maraq göstərmişdir. 

Sərgi nümayiş etdirilən  zaman Əhmədov Ülvi Rüfət oğlu tərəfindən fortepianoda dünya klassiklərinin əsərləri səsləndirilmişdir.

 

 

00250846
Bu gün
Dünən
Bu həftə
Bu ay
Ümumi
8
388
1703
7713
250846

Tarix: 20-07-2018
Biz, sosial şəbəkələrdə: