 |
"Azərbaycanın təbiəti və Azərbaycanda Heydər Əliyev |
 |
 |
 |
Naxçıvanın tanıdılması üçün Facebook sosial şəbəkəsində ərəb dilində yeni səhifə yaradılıb
- Ətraflı
- Nəşr edilib 27.04.2017 10:45
- Baxış sayı: 2141
Son illər muxtar respublikamızda turizm potensialının genişləndirilməsi, tarixi abidələrin bərpası, beynəlxalq idman turnirlərinin, müxtəlif festivalların keçirilməsi bir ənənə halını alıb. Aydın məsələdir ki, Naxçıvanımızın gündən-günə gözəlləşməsi, infrastruktur quruculuğu işlərinin uğurla davam etdirilməsi və az əvvəl qeyd etdiyimiz festival və tədbirlərin təşkili diyarımıza turist axınını sürətləndirib.
Bu da bir həqiqətdir ki, müasir dövrdə turizmin genişləndirilməsində reklam və təbliğat işləri çox böyük əhəmiyyət kəsb edir. Xüsusilə elektron resurslardan səmərəli istifadə olunması turizmin inkişafında başlıca rol oynayır. Naxçıvanda bu istiqamətdə də ardıcıl tədbirlər görülür. Məsələn, Naxçıvan Turizm İnformasiya Mərkəzinin fəaliyyətə başlaması bu yöndə sistemli işlərin görülməsini təmin etmişdir. Mərkəz turizm obyektlərinə marşrutlar təşkil etməklə yanaşı, internet saytı və sosial şəbəkələr üzərindən də təbliğati işlər yerinə yetirir.
Turizm müşavirəsində qarşıya qoyulan vəzifələr icra olunur
- Ətraflı
- Nəşr edilib 27.04.2017 10:00
- Baxış sayı: 1748
2016-cı il martın 18-də Naxçıvan Muxtar Respublikası Ali Məclisində “Naxçıvan Muxtar Respublikasında turizmin inkişaf etdirilməsi” ilə bağlı müşavirə keçirilmişdir. Müşavirədə qarşıya qoyulan tapşırıqların icrası məqsədilə aidiyyəti təşkilatlar tərəfindən birgə tədbirlər planı hazırlanmışdır. Tədbirlər planının icrası 2017-ci ilin birinci rübündə də davam etdirilmiş, bir sıra tədbirlər həyata keçirilmişdir.
Bu dövrdə Naxçıvan Muxtar Respublikası Mədəniyyət və Turizm Nazirliyinin nəzdində fəaliyyət göstərən “Tətbiqi sənət və rəsm əsərləri, tarix və mədəniyyətimizlə bağlı müxtəlif növ çap məhsullarının satış mərkəzi”ndə 2441 manatlıq 239 əl işi satılmışdır. “Nахçıvаn Biznеs Mərkəzi” MMC tərəfindən isə sərgi-satış məqsədilə 76 adda 2578 manat dəyərində əl işi və sənət əsəri qəbul edilmiş, 51 adda 913,5 manat dəyərində əl işlərinin satışı həyata keçirilmişdir.
Müşavirədə qarşıya qoyulan tapşırıqlara uyğun olaraq Naxçıvan Muxtar Respublikası Gənclər və İdman Nazirliyinin, Yeni Azərbaycan Partiyası Naxçıvan Muxtar Respublika Təşkilatının təşkilatçılığı ilə gənclərin Xatirə Muzeyinə və Naxçıvan Dövlət Tarix Muzeyinə gəzintiləri təşkil olunmuşdur. Mədəniyyət və Turizm Nazirliyi tərəfindən isə “Naxçıvan Muxtar Respublikasında dini və sağlamlıq turizminin inkişaf imkanları” mövzusunda konfrans keçirilmişdir.
Naxçıvana İnfo-tur təşkil olunub
- Ətraflı
- Nəşr edilib 13.04.2017 09:50
- Baxış sayı: 2582
Azərbaycanın ayrılmaz tərkib hissəsi olan Naxçıvan Muxtar Respublikası qədim tarixi, zəngin mədəniyyəti və əsrarəngiz təbiəti ilə seçilir. Tarixi və mədəniyyət abidələri, gəzməli-görməli yerləri, abadlaşan şəhər və kəndləri Naxçıvanın turizm potensialını daha da artırır. Məhz bu potensialı tanıtmaq məqsədilə “Nəqşicahan Holdinq” tərəfindən aprelin 11-dən 14-dək qədim diyara info-tur təşkil edilib.
İnfo-tur çərçivəsində Türkiyə, İran, Kipr, Küveyt və Azərbaycanın müxtəlif turizm şirkətlərindən, ümumilikdə, 220 sahibkar və turizmçi Naxçıvana gəlib. Tur çərçivəsində qonaqlar Naxçıvanın tarixi abidələri, gəzməli – görməli yerləri, tarix və mədəniyyət abidələri, Naxçıvanın rayon və kəndləri, bir sözlə, turizm potensialı ilə tanış olur, qarşılıqlı təcrübə mübadiləsi aparırlar.
Səfərin birinci günü qonaqlar “Duzdağ” otelində yerli turizm nümayəndələri və iş adamları ilə görüşərək əməkdaşlıq imkanlarını müzakirə edib, Duzdağ Fizioterapiya Mərkəzinin imkanları ilə tanış olublar.
Gənclərin “Duzdağ” Fizioterapiya Mərkəzinə ekskursiyası təşkil edilmişdir
- Ətraflı
- Nəşr edilib 12.04.2017 13:45
- Baxış sayı: 2076
Aprelin 11-də Naxçıvan Muxtar Respublikası Mədəniyyət və Turizm Nazirliyinin 2017-ci il iş planına əsasən nazirliyin tabeliyində olan müəssisələrin gənclərinin “Duzdağ” Fizioterapiya Mərkəzinə ekskursiyası təşkil edilmişdir.
Burada gənclərə məlumat verilmişdir ki, yeraltı və yerüstü sərvətləri, xəstələrə şəfa verən mineral bulaqları ilə məşhur olan Naxçıvanda dünyanın şəfa ocaqlarından biri “Duzdağ” Fizioterapiya Mərkəzi qədim şəhərimizdən 14 km aralı, dəniz səviyyəsindən 1173 metr hündürlükdə yerləşir. Bildirilib ki, 1926-cı ildən bu ərazidə həm də daş duz çıxarılır ki, buradakı yatağın ehtiyatı 124 milyondan çoxdur.
Bura həmdə qədim insanların yaşayış məskəni kimi diqqəti cəlb etmişdir. Ötən əsrin 70-ci illərində buradan bir neçə daş balta, xeyli daş çəkic tapılmışdır. Həmin baltalar Naxçıvan Dövlət Tarix Muzeyində, Sankt Peterburq və Tbilisi muzeylərində saxlanılır. 1967-ci ildə uçqun nəticəsində burada təsadüf nəticəsində qədim duz mədənləri aşkar edilmişdir.
“Naxçıvan Mətbəxi” Kulinariya Mərkəzinin yaranması günü münasibətilə tədbir keçirilib
- Ətraflı
- Nəşr edilib 11.04.2017 11:10
- Baxış sayı: 3199
Aprelin 11-də Naxçıvan Dövlət Film Fondunda 9 aprel “Naxçıvan Mətbəxi” Kulinariya Mərkəzinin yaranması günü münasibətilə tədbir keçirilmişdir.
Tədbiri giriş sözü ilə Naxçıvan Muxtar Respublikası Mədəniyyət və Turizm Nazirliyinin turizm şöbəsinin müdiri Əkbər Novruzov açaraq bildirmişdir ki, dünyada mövcud olan 300-ə yaxın turizm növlərindən biri də kulinariya turizmidir. Bundan əvvəlki dövrlərdə muxtar respublikada kulinariyanın təbliği sahəsində görülən işlər qeyri-pərakəndə xarekter daşıyırdı. Ancaq son illər bu vəziyyət dəyişilməyə başlayıb. Naxçıvan Muxtar Respublikasında milli mətbəxin təbliğinə ciddi fikir verilir. Bu sahəyə olan diqqət və qayğı sayəsində kulinariya turizmi də inkişaf etməyə başlamışdır. Naxçıvanın özünəməxsus ləziz yemək növlərindən ibarət mətbəx mədəniyyəti vardır. Naxçıvan mətbəxinin zənginliyi muxtar respublikada kulinariya turizminin inkişafı üçün də gözəl zəmin yaradır.
Bakıda keçirilən beynəlxalq turizm sərgisində Naxçıvan Muxtar Respublikası da geniş təmsil edilib
- Ətraflı
- Nəşr edilib 11.04.2017 08:50
- Baxış sayı: 1830
Aprelin 6-8-də Bakı Ekspo Mərkəzində dünyanın 22 ölkəsindən 272 şirkətin iştirak etdiyi XVI Azərbaycan Beynəlxalq Turizm və Səyahətlər “AITF 2017” sərgisi keçirilib. Bu sərgidə Naxçıvan Muxtar Respublikası Mədəniyyət və Turizm Nazirliyinin əməkdaşları və Naxçıvandakı mehmanxanaların nümayəndələri də iştirak edib, diyarımızın turizm potensialı geniş təbliğ olunub.
Naxçıvan Muxtar Respublikası Mədəniyyət və Turizm Nazirliyindən aldığımız məlumata əsasən, sərgidəki muxtar respublikanın turizm imkanlarının təqdim olunduğu 14 paneldə Dövlət Bayrağı Meydanı, “İslam Mədəniyyəti Paytaxtı Naxçıvan – 2018” loqotipi ilə yanaşı, Naxçıvanın turizm ehtiyatlarının və turizm-xidmət obyektlərinin reklam fotoları yer alıb. Bundan əlavə, Naxçıvan Muxtar Respublikası Mədəniyyət və Turizm Nazirliyi tərəfindən hazırlanıb çap etdirilmiş, “Naxçıvan Muxtar Respublikası turist xəritəsi”, “Naxçıvan Turizm İnformasiya Mərkəzi” və muxtar respublikadakı turist marşrutları barədəki bukletlər və yerləşdirmə obyektlərinin reklam-informasiya materialları sərgi iştirakçılarına paylanılıb, müxtəlif əl işləri tanıdılıb. Naxçıvan stendindəki monitor vasitəsilə də muxtar respublikanın turizm imkanları ilə bağlı reklam çarxları nümayiş etdirilib.
Daha çox məqalə...
Faydalı informasiyalar
Əyləncə
 |
 |
 |