"Azərbaycanın təbiəti və Azərbaycanda
olan bütün başqa infrastruktur buna
imkan verir ki, ölkəmizə turistlər gəlsinlər"

Heydər Əliyev

 

 

 

 

Naxçıvan şəhərində növbəti konsert keçirilib

İstirahət günləri mədəniyyət müəssisələri tərəfindən əhalinin asudə vaxtının səmərəli təşkili üçün konsertlərin təşkili davam edir.

Növbəti konsert Naxçıvan şəhərindəki “Saat” meydanında baş tutub.

Bu dəfə şəhər sakinləri qarşısında Naxçıvan Dövlət Filarmoniyasının estrada orketri çıxış edib. Azərbaycan Respublikasının Əməkdar mədəniyyət işçisi Nizami Məmmədovun bədii rəhbərliyi və drijorluğu ilə  təqdim edilən  konsert proqramında  müxtəlif xalq  və bəstəkar mahnıları səsləndirilib.

Naxçıvan Muxtar Respublikasının Əməkdar artistləri Yaşar Qurbanov, Elçin Nağıyev, Azər Cəfərlinin, müğənnilərdən Əli Davudi  və başqalarının ifa etdikləri mahnılar tamaşaçılarda xoş əhval-ruhiyyə yaradıb.

Ardını oxu...

“Göy quş” tamaşasına ictimai baxış olmuşdur

İyunun 23-də Cəlil Məmmədquluzadə adına Naxçıvan Dövlət Musiqili Dram Teatrında dünya şöhrətli dramaturq, yazıçı, Nobel mükafatı laureatı Moris Meterlinkin məşhur iki hissəli “Göy quş” tamaşasına ictimai baxış olmuşdur. Qeyd edək ki, M.Meterlinkin “Göy quş” pyesi onun ən gözəl səhnə əsərlərindən biridir. Dramaturq başqa pyesləri kimi, bu əsərində də xalq nağılının formasından istifadə etmişdir. Balaca oğlan Tiltil (Vəli Babayev) və onun bacısı Mitil (Heyran Abdullayeva) kasıb bir odunçu­nun uşaqlarıdır. Milad bayramı axşamı onlar Pəridən (aktrisa Zəminə Məmmədova) Göy quşu axtarıb tapmaq tapşırığını alırlar. Nağıl qəhrə­manı olan balaca uşaqları əhatə edən əşyalar və canlılar da onlara qoşularaq Göy quşun ardınca gedirlər. Lakin dramaturq bu əşya və canlıları da iki cəbhəyə bölərək özünün simvolik baxışları ilə onları dost və düşmənə, xeyir və şər qüvvələrə ayırır. 

Balaca Tiltil və Mitil müxtəlif sirli ölkələrə səyahət edirlər. Tamaşada uşaqları Xatirələr ölkəsində babası və nənəsi ilə görürük. Onların Gecənin sarayına gəlməsi və başqa yerlərdə olması da maraqlı səhnələrdir. Dramaturq bu səhnələrdə insanın təbiət qüvvələri, aclıq və müharibə üzərində qələbəsi fikirlərini simvolik şəkildə ifadə edir.

Ardını oxu...

Növbəti maarifləndirici tədbir keçirilib

Naxçıvan Muxtar Respublikası Dövlət Miqrasiya Xidmətində “Naxçıvan Muxtar Respublikasının dini turizm potensialı” mövzusunda maarifləndirici tədbir keçirilib. 

Tədbiri giriş sözü ilə Dövlət Miqrasiya Xidmətinin əməkdaşı Samir Abbasov açaraq son illərdə muxtar respublikanın turizm potensialının tanıdılması istiqamətində görülən işlərdən danışıb, dini turizmin inkişafı üçün qədim diyarımızda böyük imkanlar olduğunu qeyd edib.

Görüşdə Naxçıvan Muxtar Respublikası Mədəniyyət və Turizm Nazirliyinin şöbə müdiri Əkbər Novruzov çıxış edərək muxtar respublikanın dini turizm potensialı barədə iştirakçılara məlumat verib. Qeyd edib ki, Naxçıvan Muxtar Respublikasının geniş turizm potensialı vardır. Bu baxımdan dini turizm də özünəməxsus yerə malikdir. Naxçıvan şəhərinin 2018-ci il üçün İslam mədəniyyətinin paytaxtı elan olunması burada milli və mənəvi dəyərlərə verilən önəmin ifadəsidir.

Ardını oxu...

Kəngərli Rayon Tarix-Diyarşünaslıq Muzeyində muzey bələdçiləri üçün növbəti seminar-treninq keçirilib

Muxtar respublikamızın muzey bələdçiləri üçün seminar-treninqlərin keçirilməsi davam etdirilir. Növbəti belə tədbir Kəngərli Rayon Tarix-Diyarşünaslıq Muzeyində olub.

Naxçıvan Muxtar Respublikası Mədəniyyət və Turizm Nazirliyinin təşkilatçılığı ilə keçirilən seminar-treninqdə Nazirliyin Mədəni irs və muzey işi üzrə baş məsləhətçisi Qumral Məmiyeva “Muzey bələdçisinin davranış qaydaları” mövzusunda çıxış edərək bildirib ki, ötən ildən başlayaraq keçirilən muzey-treninqlər əhəmiyyətli olub. Ötən il muxtar respublikanın muzey şəbəkələri üçün 11 belə tədbir təşkil olunub. Bu il keçirilən tədbir isə onuncudur. Muzey bələdçiləri üçün seminar-treninqlərin keçirilməsində əsas məqsəd muzeylərdə ekskursiya işinin təşkili ilə bağlı mövcud nöqsan və çatışmazlıqları aradan qaldırmaq, muzey bələdçilərinin nəzəri və praktik bilik səviyyəsini yüksəltməkdir. Keçirilən seminar-treninqlər muzey bələdçiləri üçün faydalı olub, muzey bələdçiləri vəzifə funksiyalarını dərindən öyrənməyə səy göstərməklə yanaşı, muzey işi haqqında ətraflı məlumat alıblar.

Ardını oxu...

“Xalq teatrlarının muxtar respublika festivalı – 2017” başa çatıb

Festivalın son günü Cəlil Məmmədquluzadə adına Naxçıvan Dövlət Musiqili Dram Teatrının səhnəsində Rza Təhmasib adına Şərur Rayon Xalq Teatrı böyük rus şairi Aleksandr Sergeyeviç Puşkinin “Motsart və Salyeri” faciəsi əsasında hazırlanmış tamaşanı teatrsevərlərə təqdim edib.

Böyük rus şairi A.S.Puşkinin yazdığı kiçik faciələrdən biri olan “Motsart və Salyeri” əsəri dramatizmi və psixoloji gərginliyi ilə diqqəti çəkir. İtalyan bəstəkarı Antonio Salyeri və böyük Avstriya bəstəkarı Volfqanq Amadey Motsart haqqında çoxlarına məlum olan rəvayət, bir sıra musiqi və bədii əsərlərin mövzusuna çevrilən hadisələr böyük şairin faciəsində də canlandırılıb. Salyerinin Motsartı zəhərləməsi haqqında rəvayət bu əsərin əsas mövzusudur. 

Quruluşçu rejissor Nəsimi Məmmədzadə həm də səhnə əsərinə bədii və musiqi tərtibatı verərək maraqlı tamaşa yaratmağa nail olub. Salyeri kimi mürəkkəb və ziddiyyətli bir obraz Nəsimi Məmmədzadənin ifasında canlı və təbii görünür. Azərbaycan Respublikasının Əməkdar artisti Neymət Sultanov böyük bəstəkar Motsartın hərtərəfli istedadını və qeyri-adi taleyini tamaşaçıya təqdim etməyi bacarıb.

Ardını oxu...

Uşaq Kitabxanasının kollektivi növbəti "Nağıl günü" keçirib

A.Babayev adına Naxçıvan Muxtar Respublikası Uşaq Kitabxanasının kollektivi uşaq bağçalarında keçirilən ənənəvi “Nağıl günləri”ni davam etdirirlər. Kitabxana kollektivi 20 iyun 2017-ci il tarixdə Naxçıvan şəhərindəki 15№-li uşaq bağçasında olmuş, uşaqlara “Alyanaqla Gülyanağın” nağılını danışmışlar.

Sonra kitabxana əməkdaşları nağıl ətrafında uşaqlarla sual-cavab apararaq nağılın məzmun və mənasını onlara çatdıra bilmişlər. Həmçinin nağılda uşaqlara kiçiklərin böyüklərə hər zaman hörmət qoymaları aşılanır.

Sonra kitabxanaçılar uşaqlara “Qız qalası əfsanəsi” cizgi filmini nümayiş etdirmiş, “Uşaqların nağıl dünyası” başlıqlı kitab sərgisinə baxış keçirilmişdir.

Ardını oxu...

00291042
Bu gün
Dünən
Bu həftə
Bu ay
Ümumi
95
479
574
2776
291042

Tarix: 11-12-2018
Biz, sosial şəbəkələrdə: