"Azərbaycanın təbiəti və Azərbaycanda
olan bütün başqa infrastruktur buna
imkan verir ki, ölkəmizə turistlər gəlsinlər"

Heydər Əliyev

 

 

 

 

“Molla Nəsrəddin” jurnalının 112-ci illiyinə həsr olunmuş tədbir keçirilib

Aprelin 19-da Cəlil Məmmədquluzadə adına Naxçıvan Muxtar Respublika Ədəbiyyat Muzeyində “Molla Nəsrəddin” ədəbi məktəbinin ənənələri və molla nəsrəddinçilik” mövzusunda tədbir keçirilib.

Tədbiri giriş sözü ilə Cəlil Məmmədquluzadə adına Naxıçıvan Muxtar Respublika Ədəbiyyat Muzeyinin direktoru Aləmzər İbrahimova açaraq bildirib ki, 112 il bundan əvvəl nəşrə başlayan “Molla Nəsrəddin” jurnalı Azərbaycan mətbuat tarixinin ən parlaq səhifələrindən biridir. “Molla Nəsrəddin” jurnalının nəşrə başlaması təkcə Azərbaycanda deyil, Yaxın və Orta Şərqdə, bütün İslam aləmində də mühüm hadisə idi. Jurnalın hər bir yeni nömrəsi o zaman beynəlxalq mətbuatda, ictimai dairələrdə qızğın fikir mübadiləsi yaradırdı.

Ardını oxu...

Əl işlərindən ibarət sərgi keçirilib

Aprelin 18-də Naxçıvan Turizm İnformasiya Mərkəzində əl işlərindən ibarət sərgi keçirilib.

“Naxçıvan Mətbəxi” Kulinariya Mərkəzinin təşkil etdiyi sərginin açılışında Naxçıvan Muxtar Respublikası Mədəniyyət və Turizm Nazirliyinin aparat rəhbəri Gülbuta Babayeva çıxış edərək bildirib ki, muxtar respublikamızda Naxçıvanın İslam Mədəniyyətinin Paytaxtı elan olunması ilə bağlı bir sıra tədbirlər keçirilir. Bu tədbir də bu əlamətdar hadisəyə həsr olunub. Naxçıvan Muxtar Respublikası Ali Məclisi Sədrinin “Naxçıvan Muxtar Respublikasında Xalq yaradıcılığı günlərinin keçirilməsi haqqında” 7 fevral 2009-cu il tarixli Sərəncamından sonra qədim diyarımızda milli-mənəvi dəyərlərimizin qorunması, təbliği və gələcək nəsillərə çatdırılması istiqamətində mühim tədbirlər həyata keçirilmişdir və bu işlər ardıcıl olaraq davam etdirilməkdədir. Zəngin tarixə və böyük nailiyyətlərə malik olan Naxçıvan mətbəxi milli mədəniyyətimizin mühim tərkib hissəsidir. Xalq yaradıcılığının ən qədim sahələrindən olan kulinariya mədəniyyətinin sistemli şəkildə öyrənilməsi və inkişaf etdirilməsi, təbliğ olunması və tanıdılması məqsədilə Naxçıvan Muxtar Respublikası Ali Məclisinin Sədri cənab Vasif Talıbov tərəfindən 9 aprel 2009-cu il tarixində “Naxçıvan Mətbəxi” Kulinariya Mərkəzinin yaradılması haqqında”Sərəncam imzalanmış və Naxçıvan Muxtar Respublikası Mədəniyyət və Turizm Nazirliyinin tabeliyində fəaliyyətə başlamışdır.

Ardını oxu...

Mədəniyyət sahəsində qarşıya qoyulan vəzifələr yerinə yetirilib

2018-ci ilin birinci rübü başa çatmışdır. Bu dövrdə Naxçıvan Muxtar Respublikası Mədəniyyət və Turizm Nazirliyi tərəfindən əlamətdar və tarixi günlərlə bağlı tədbirlər, muzeylərin fəaliyyəti nəzarətdə saxlanılmış, Naxçıvan Dövlət Rəsm Qalereyasında “Ulu öndər Heydər Əliyev gənc rəssamların gözü ilə” mövzusunda rəsm müsabiqəsi keçirilmişdir. “Xan Sarayı” Dövlət Tarix-Memarlıq, Möminə Xatın və Açıq Səma Altında Muzey Kompleksində, Heydər Əliyev Muzeyində, Naxçıvan Dövlət Tarix Muzeyində, Culfa Rayon Tarix-Diyarşünaslıq Muzeyində muzey bələdçiləri üçün seminar-treninq keçirilmiş, distant və açıq dərslər davam etdirilmişdir. Rüb ərzində muzeyləri 41 min 33-ü əcnəbi vətəndaş olmaqla, ümumilikdə, 116 min 653 tamaşaçı ziyarət etmişdir. Bu dövrdə muzeylərə 402 yeni eksponat daxil olmuşdur. “Şərur” Xalq Yallı Ansamblı Türkiyə Respublikasında “Kastamonu 2018 – Türk Dünyası Mədəniyyət Paytaxtı”nın açılış mərasimində və TURKSOY səviyyəsində keçirilən Novruz şənliklərində uğurla çıxış etmişdir.

Ardını oxu...

Beynəlxalq Abidələr və Tarixi Yerlər Günü qeyd edilib

Görüntünün olası içeriği: bir veya daha fazla kişi, ayakta duran insanlar, kalabalık ve açık havaBabək Rayon Tarix-Diyarşünaslıq Muzeyində 18 Aprel Beynəlxalq Abidələr və Tarixi Yerlər gününə həsr olunmuş tədbir keçirilib.

Tədbiri giriş sözü ilə Babək Rayon Mədəniyyət və Turizm Şöbəsinin müdiri Ceyhun Fərəcov açaraq bildirib ki, YUNESKO-nun Abidələrin mühafizəsi məsələləri üzrə Beynəlxalq Şurasının qərarı ilə 1982-ci ildən etibarən hər il aprelin 18-i dünyada “Beynəlxalq Abidələr və Tarixi Yerlər Günü” kimi qeyd olunur. Bu günün qeyd olunmasında əsas məqsəd insanların diqqətini tarixi abidə və yerlərin qorunmasına yönəltməkdir. Şöbə müdiri ümummilli lider Heydər Əliyevin Naxçıvanın tarixinin və qədim abidələrinin öyrənilməsi sahəsində həyata keçirdiyi tədbirlərdən və qəbul etdiyi qərarlardan danışıb.

Ardını oxu...

Kursu bitirənlərə sertifikatlar verilib

Aprel ayınını 18-də Naxçıvan Muxtar Respublikası Mədəniyyət və Turizm Nazirliyi və Naxçıvan Müəllimlər İnstitutunun birgə təşkilatçılığı ilə kitabxana işçiləri üçün on günlük kurs başa çatdığından bununla bağlı Naxçıvan Musiqi Kollecində kitabxana işinin təşkili və müasir tələblər üzrə ixtisasartırma kursunu bitirən kitabxanaçılara sertifikatlar təqdim edilib. 

Tədbirdə Naxçıvan Muxtar Respublikasının mədəniyyət və turizm naziri Natəvan Qədimova çıxış edərək bildirib ki, nazirlik tərəfindən mütəmadi olaraq kitabxana işi ilə bağlı maarifləndirici tədbirlər keçirilir. Kitabxanaçılara elmi-metodik köməklik göstərilir, onların peşəkarlığı artırılır.

Kitabxanalarda müxtəlif mədəni-kütləvi tədbirlərin keçirilməsi bu mədəniyyət ocaqlarına oxucu cəlbində mühüm rol oynayır. Ancaq əldə olunanlarla kifayətlənməməli, kitabxana işi müasir tələblər səviyyəsində qurulmalı, kitabxanaçılar dövrlə ayaqlaşaraq innovativ metodlara və texnologiyalardan istifadəyə üstünlük verməlidirlər. Kitabxana işçisi müasir texnologiyaları mənimsəməli, ondan istifadə etməyi bacarmalı və intellectual səviyyəsilə seçilməlidir. Dövrümüzdə informasiya texnologiyaları hər bir xalqın ümumi inkişaf səviyyəsindən və intellectual potensialından xəbər verən, social-iqisadi və mədəni yüksəlişi təmin edən mühüm göstəricilərdən birinə çevrilmişdir. 

Ardını oxu...

Rəsm müsabiqəsi başa çatıb

Aprelin 17-də Naxçıvan Dövlət Rəsm Qalereyasında “Ulu öndər Heydər Əliyev gənc rəssamların gözü ilə” mövzusunda rəsm müsabiqəsi başa çatıb.

Tədbirdə Naxçıvan Dövlət Rəsm Qalereyasının direktoru, Naxçıvan Muxtar Respublikası Rəssamlar Birliyinin üzvü Hökümə Məmmədli çıxış edərək bildirib ki, Azərbaycan mədəniyyətinin, o cümlədən təsviri sənətinin inkişafı ulu öndər Heydər Əliyevin adı ilə bağlıdır. Ümummilli lider hakimiyyətdə olduğu bütün dövrlərdə rəssamlığa böyük diqqət və qayğı göstərib. Ümummilli liderin hakimiyyətdə olduğu illərdə Azərbaycan təsviri incəsənətinin görkəmli nümayəndələri Mikayıl Abdullayev, Tahir Salahov, Səttar Bəhlulzadə, Böyükağa Qasımzadə, Maral Rəhmanzadə, Altay Hacıyev, Toğrul Nərimanbəyov və başqaları Vətənin yüksək adlarına layiq görülüb və dövlət mükafatı almışlar.

Vurğulanıb ki, ümummilli lider Heydər Əliyevin hakimiyyəti illərində Naxçıvan Muxtar Respublikasında da rəssamlığa böyük qayğı göstərilib və qədim diyarımızda Naxçıvan Rəssamlar Təşkilatı yaradılıb. Gənc rəssam kadrların yetişdirilməsi diqqət mərkəzində olub. Bu gün də Naxçıvan Muxtar Respublikasında təsviri incəsənətə böyük diqqət və qayğı göstərilməsi Heydər Əliyev ənənələrinin davam etdirilməsi və yaşadılmasıdır.

Ardını oxu...

00286183
Bu gün
Dünən
Bu həftə
Bu ay
Ümumi
177
95
272
3408
286183

Tarix: 20-11-2018
Biz, sosial şəbəkələrdə: