"Azərbaycanın təbiəti və Azərbaycanda
olan bütün başqa infrastruktur buna
imkan verir ki, ölkəmizə turistlər gəlsinlər"

Heydər Əliyev

 

 

 

 

Naxçıvanın İslam Mədəniyyətinin paytaxtı olması ilə bağlı sosial şəbəkələrdə məlumatlar və video görüntülər təqdim edilib

Müstəqil Azərbaycanın iqtisadi və mədəni inkişaf sahəsində uğurları artdıqca dünyanın müxtəlif rəsmi media kanallarının, aparıcı informasiya qurumlarının da bununla bağlı müsbət reaksiyasını görməkdəyik. Məsafəcə Azərbaycandan çox uzaqlarda yerləşsə də, bir çox ölkəyə məxsus internet səhifələrində respublikamız, xüsusən də İslam Mədəniyyəti Paytaxtı kimi Naxçıvanın tarixi, mədəniyyəti, görməli yerləri haqqında informasiyaların verilməsi fərəh doğurur.

Azərbaycan Respublikasının Cənubi Afrika Respublikasındakı səfirliyinin və Azərbaycan Respublikasının Cenevrədəki Birləşmiş Millətlər Təşkilatı Ofisində və digər beynəlxalq təşkilatlardakı Daimi Təmsilçiliyinin saytlarında Azərbaycanın Naxçıvan Muxtar Respublikasının Naxçıvan şəhərinin Asiya regionu üzrə 2018-ci il üçün İslam Mədəniyyətinin Paytaxtı elan olunması haqqında yazılar, Naxçıvanın tarixi, mədəniyyəti və müasir inkişafını əks etdirən fotoşəkillər dərc olunub.

Ardını oxu...

Qədim əlyazma və kitabların təqdimatı olub

Aprelin 3-də Naxçıvan Muxtar Respublikası Mədəniyyət və Turizm Nazirliyi tərəfindən qədim tarixə malik əlyazma və kitablar AMEA Naxçıvan Bölməsinin Əlyazmalar Fonduna hədiyyə olunub.

Qeyd edək ki, qədim əlyazma və kitablar Nehrəm kənd sakini, Naxçıvan Muxtar Respublikasının Əməkdar mədəniyyət işçisi Akif Hacıyev, Ordubad rayon sakinləri Züleyxa Cəfərova, Nazilə Bağırova, Şəbnəm Rüstəmli tərəfindən Mədəniyyət və Turizm Nazirliyinə təqdim edilib.

Bu münasibətlə keçirilən tədbiri giriş sözü ilə AMEA Naxçıvan Bölməsinin sədri, akademik İsmayıl Hacıyev açaraq deyib ki, bölmə elmi tədqiqatlarla yanaşı, maddi-mədəniyyət nümunələrinin aşkarlanması ilə də məşğul olur. 2005-ci ildə yaradılan Əlyazmalar Fondunda bu gün 400-dən çox qədim əlyazma və kitab toplanıb. Bu əlyazmalar Azərbaycan, ərəb, türk, fars və başqa dillər olmaqla müxtəlif elm sahələrinə aiddir. Məlum olduğu kimi yüzilliklər boyu əlyazmalar və kitablar islam coğrafiyasının müxtəlif  ölkələrinə yayılmış və əldən-ələ keçmişdir. Bu kitab mədəniyyətinin yaranmasında bütün islam ölkələri xalqlarının payı vardır. Kitab və əlyazmalar islam xalqlarının mövcudluğu və inkişaf forması olmuşdur. Tapılan bu qiymətli nümunələr sahələrinə uyğun olaraq müxtəlif muzeylərə hədiyyə edilir, bəziləri isə bölmədə mühafizə olunur və tədqiq olunur.

Ardını oxu...

Beynəlxalq Uşaq Kitabı Günü qeyd olunub

Aprelin 2-də M.T.Sidqi adına Naxçıvan Dövlət Kukla Teatrında “2 aprel – Beynəlxalq Uşaq Kitabı Günü” ilə bağlı tədbir keçirilib.

Əvvəlcə tədbir iştirakçıları uşaq kitablarından ibarət sərgi ilə tanış olublar.

Tədbirdə çıxış edən Naxçıvan Muxtar Respublikası Mədəniyyət və Turizm Nazirliyinin əməkdaşı Aygün Hüseynova qeyd edib ki, uşaq ədəbiyyatının inkişafında əvəzsiz rolu olan danimarkalı yazıçı Hans Xristian Andersenin anadan olduğu gün – 2 aprel tarixi 1967-ci ildən etibarən YUNESKO-nun Uşaq və Gənclər Ədəbiyyatı Şurasının təşəbbüsü ilə bütün dünyada “Beynəlxalq Uşaq Kitabı Günü” kimi qeyd olunur. Bildirilib ki, bu günün keçirilməsində məqsəd uşaqların intellektual inkişafında kitabın rolunu göstərmək, kitaba sevgi aşılamaq və diqqəti uşaq kitabının nəşrinə yönəltməkdir.

Bildirilib ki, kitab uşaqların intellektual inkişafında, nitq mədəniyyətinin formalaşmasında, uşaq təxəyyülünün genişləndirilməsində mühüm rola malikdir. Uşaqlarda mütaliə vərdişləri kiçik yaşlardan formalaşdırılmalıdır. Pedaqoqların apardığı araşdırmalar göstərir ki, yaxşı oxuma vərdişinin iki əsas şərti var. Bunlar oxumaq səbri və oxumaq zövqüdür. Oxumaq mədəniyyəti sayılan bu iki vərdiş ailədə və məktəbdə qazanılır. Ona görə də ailə və məktəbdə uşağın bu vərdişlərə yiyələnməsinə diqqət yetirilməlidir. Uşağın oxumaq zövqünə mədəni amillər mühüm təsir göstərir. Uşaqlar arasında kitab oxumağa həvəs fərqlidir. Belə ki, fitri istedada malik uşaqlar daha çox məlumat, bilik əldə etmək məqsədilə normal uşaqlarla müqayisədə iki, yaxud üç dəfə çox kitab oxuyurlar.

Ardını oxu...

Muxtar respublikanın dəmir yolu təsərrüfatına 8 yeni sərnişin vaqonu təqdim edilmişdir

Muxtar respublikada dəmir yolu nəqliyyatının müasir tələblər səviyyəsində qurulması və sərnişinlərə nümunəvi xidmət göstərilməsi sahəsində ardıcıl tədbirlər görülür. 

Aprelin 2-də muxtar respublikanın dəmir yolu təsərrüfatına 8 yeni sərnişin vaqonu təqdim olunmuşdur. 

Naxçıvan Muxtar Respublikası Ali Məclisinin Sədri Vasif Talıbov və “Azərbaycan Dəmir Yolları” Qapalı Səhmdar Cəmiyyətinin sədri Cavid Qurbanov yeni sərnişin vaqonlarına baxmışlar. 

Bildirilmişdir ki, “Azərbaycan Dəmir Yolları” Qapalı Səhmdar Cəmiyyəti tərəfindən alınıb gətirilmiş vaqonların hər biri 60 yerlikdir. Vaqonlarda kombinasiya edilmiş istilik və soyutma sistemləri quraşdırılmış, sərnişinlərə “Naxtel 4G” mobil operatoru vasitəsilə pulsuz internetdən, eləcə də televizordan istifadə imkanı yaradılmışdır. Həmçinin hər vaqonda 2 nəzarət kamerası quraşdırılmışdır.

Ordubad dəmir yolu stansiyası kompleks quruculuq işlərindən sonra istifadəyə verilib

Aprelin 2-də “Naxçıvan Dəmir Yolları” Məhdud Məsuliyyətli Cəmiyyətinin Ordubad dəmir yolu stansiyası kompleks quruculuq işlərindən sonra istifadəyə verilmişdir.

Naxçıvan Muxtar Respublikası Ali Məclisinin Sədri Vasif Talıbov və “Azərbaycan Dəmir Yolları” Qapalı Səhmdar Cəmiyyətinin sədri Cavid Qurbanov açılış tədbirində iştirak etmişlər. 

“Naxçıvan Dəmir Yolları” Məhdud Məsuliyyətli Cəmiyyətinin direktoru Mahir Əliyev çıxış edərək demişdir ki, muxtar respublikada aparılan quruculuq işləri dəmir yolu sistemini də əhatə etmiş, sərnişin vağzalı binaları, inzibati və texniki binalar yenidən qurulmuş, müasir dəmir yolu infrastrukturu, hərtərəfli iş və xidmət şəraiti yaradılmışdır. İnfrastrukturun daim yenilənməsi, xidmətin səviyyəsinin yüksəldilməsi dəmiryol nəqliyyatından istifadə edənlərin sayını artırmışdır. Dəmir yolu təsərrüfatında aparılan quruculuq işlərinin davamı olaraq Ordubad sərnişin vağzalı və yol sahəsi üçün yeni inzibati binalar, eləcə də yol fəhlələri üçün yeni bina tikilmiş, stansiyanın İdarəetmə Mərkəzi, yük anbarı və yarımstansiya binası əsaslı şəkildə yenidən qurulmuşdur. Mahir Əliyev göstərilən qayğıya görə muxtar respublikanın bütün dəmiryolçuları adından Ali Məclisin Sədrinə minnətdarlıq etmişdir. 

Ardını oxu...

Culfa rayonununda “31 Mart Azərbaycanlıların Soyqırımı Günü"nün qurbanları anılıb

Martın 30-da Culfa rayonunun Yaycı kəndindəki “Soyqırımı” abidəsinin qarşısında “31 Mart – Azərbaycanlıların Soyqırımı Günü”nə həsr edilmiş tədbir keçirilmişdir.

Tədbirdə çıxış edən Culfa Rayon Mədəniyyət və Turizm Şöbəsinin müdiri Pərvin Həsənov bildirmişdir ki, bu il ermənilər tərəfindən Azərbaycan xalqına qarşı törədilmiş mart soyqırımından 100 il ötür. “Böyük Ermənistan” xülyası ilə yaşayan ermənilər azərbaycanlıların yaşadığı ərazilərdə etnik təmizləmə aparmış, onminlərlə insanı qətlə yetirmiş, kəndləri, şəhərləri viran qoymuşdur. Ermənilər tərəfindən Azərbaycan xalqına qarşı törədilmiş vəhşiliklər heç bir insanlıq çərçivəsinə sığmır.

Qeyd edilmişdir ki, son iki əsrdə daşnakların həyata keçirdikləri soyqırımlarına ilk dəfə siyasi qiyməti ümummilli lider Heydər Əliyev vermiş, 1998-ci il martın 26-da “Azərbaycanlıların soyqırımı haqqında” Fərman imzalamışdır.

Ardını oxu...

00262049
Bu gün
Dünən
Bu həftə
Bu ay
Ümumi
51
503
1370
6144
262049

Tarix: 16-08-2018
Biz, sosial şəbəkələrdə: