"Azərbaycanın təbiəti və Azərbaycanda
olan bütün başqa infrastruktur buna
imkan verir ki, ölkəmizə turistlər gəlsinlər"

Heydər Əliyev

 

 

 

 

Şərur şəhərindəki Bəhruz Kəngərli adına Uşaq İncəsənət Məktəbində metodik kurs keçirilib

Şərur şəhərindəki Bəhruz Kəngərli adına Uşaq İncəsənət Məktəbində rayon Mədəniyyət və Turizm Şöbəsinin tabeliyində olan uşaq musiqi və incəsənət məktəblərinin müəllimləri üçün musiqi ədəbiyyatı fənni üzrə metodik kurs keçirilib.

Əvvəlcə Naxçıvan Muxtar Respublikası Mədəniyyət və Turizm Nazirliyi Aparatının aparıcı məsləhətçisi Leyla Əlimərdanova bildirib ki, uşaq musiqi məktəblərində musiqi ədəbiyyatı fənninin tədrisində əsas məqsəd şagirdlərin bu sahə üzrə dünyagörüşünü zənginləşdirməkdir. Şagirdlərin Azərbaycan musiqi ədəbiyyatı ilə dərindən tanışlığı onların musiqi tərbiyəsinin formalaşmasında və hərtərəfli inkişafında əhəmiyyətli rol oynayır. Metodik kursların keçirilməsində məqsəd müəllimlərin bilik səviyyəsinin yüksəldilməsidir.

Şagirdlərə tədris olunan musiqi ədəbiyyatı fənninin proqramı haqqında ətraflı məlumat verildikdən sonra Naxçıvan Şəhər Səfər Rəcəbov adına 3 nömrəli Uşaq Musiqi Məktəbinin müəllimi Nuray Hüseynova “Yeddi və beşillik təhsil sistemi üzrə musiqi ədəbiyyatı fənninin tədrisi” mövzusunda metodik dərs keçib. Bildirilib ki, musiqi məktəblərində şagirdlər musiqi ədəbiyyatının geniş sahəsilə tanış olur, müxtəlif janr və xüsusiyyətləri, xalq və professional musiqi formaları, musiqi ifadə vasitələri, musiqi alətləri, simfonik orkestr, ansambl quruluşları haqqında biliklər əldə edirlər.

Ardını oxu...

"Beynəlxalq Ana Dili Günü" adlı sərgi təşkil edilib

M.S.Ordubadi adına Naxçıvan Muxtar Respublika Kitabxanasında fevralın 17-də "Beynəlxalq Ana Dili Günü" adlı sərgi təşkil edilmişdir.

Sərgidə 23 kitab nümayiş edilmişdir. Sərgidə “Heydər Əliyevin dil siyasəti”, Azərbaycan dilinin orfoqrafiya lügəti, Nizami Xudiyevin “Heydər Əliyev və Azərbaycan dili”, Salatın Əhmədovanın  “Heydər Əliyevin dil siyasəti”, Əbdüləzəl Dəmirçizadənin “Müasir Azərbaycan dili”- Ic.,Telman Quliyevin  “Milli-mədəni irs və dil amilinə kulturoloji baxış”,

Ardını oxu...

"Xocalı soyqırımı" adlı sərgi təşkil edilib

Fevralın 16-da M.S.Ordubadi adına Naxçıvan Muxtar Respublika Kitabxanasında Xocalı soyqırımının 25-ci ildönümünə həsr edilən "Xocalı soyqırımı" adlı sərgi təşkil edilmişdir.

Ardını oxu...

Naxçıvanda Zərifə Salahovanın 85 illik yubileyi qeyd olunub

Məmməd Səid Ordubadi adına Naxçıvan Muxtar Respublika Kitabxanasında miniatür Kitab Muzeyinin yaradıcısı və təsisçisi, əməkdar mədəniyyət işçisi,  "Şöhrət” ordenli  Zərifə Salahovanın 85 illik yubileyi münasibətilə tədbir keçirilib.

Tədbirdə Naxçıvan Muxtar Respublikasının mədəniyyət və turizm naziri Natəvan Qədimovanın, Ailə, Qadın və Uşaq Problemləri üzrə Dövlət Komitəsinin sədri Ramilə Seyidovanın və muxtar respublika Rəssamlar Birliyinin sədri Ülviyyə Həmzəyevanın çıxışları olub. Çıxışlarda Azərbaycanda maarifçi, nasir, pedaqoq kimi tanınan Zərifə xanım Salahovanın həyat və yaradıcılığından bəhs olunaraq bildirilib ki, Azərbaycan qadınları həmişə özlərinin ictimai fəallığı, Vətənə sədaqəti, ailəyə bağlılığı və fədakarlıqları ilə seçiliblər. Belə qadınlardan biri də Zərifə Salahovadır. O, 1932-ci il fevralın 2-də Bakı şəhərində dövrünün nüfuzlu ziyalısı olan Teymur Salahovun ailəsində doğulub. Azərbaycana dünya şöhrətli rəssam Tahir Salahov, rəssam-kallioqraf Sabir Salahov, sənətşünas Mahir Salahov, ədəbiyyatçı Leyla Salahova kimi şəxsiyyətlər bəxş edən bir ailədə böyüyən Zərifə Salahova hələ gənclik illərindən ictimai həyatda fəallığı ilə seçilib. Mətbuat orqanlarında, Sumqayıt Şəhər Partiya Komitəsində müxtəlif vəzifələrdə çalışıb. Moskva şəhərində ali partiya məktəbini bitirdikdən sonra Sumqayıt Şəhər Partiya Komitəsinin ikinci katibi, Azərbaycan KPMK-nın təşkilat partiya işi şöbəsində bölmə müdiri vəzifəsində işləyib. Zərifə xanım incəsənətin, mədəniyyətin, ədəbiyyatın təbliği sahəsində mühüm xidmətlər göstərib, nadir formatlı kitablar toplayıb nəşr etdirərək nəcib bir işlə məşğul olub.

Ardını oxu...

"Nağıl günləri" davam etdirilir

Naxçıvan Muxtar Respublikası Mədəniyyət və Turizm Nazirliyinin iş planına əsasən muxtar respublikanın uşaq bağçalarında “Nağıl günləri”nin keçirilməsi davam etdirilir. Ötən ay Naxçıvan şəhəri daxil olmaqla rayon MKS-lərin uşaq şöbələri tərəfindən rayonlarda 35 “Nağıl günü” keçirilmişdir. Bu tədbirlərdə uşaqlara nağıllar bədii qiraət edilir, cizgi filmləri göstərilir, sərgilər nümayiş etdirilir. Naxçıvan Dövlət Kukla Teatrının tamaşalarında göstərilən kiçik parçalar da uşaqlar tərəfindən maraqla qarşılanır. Bu tədbirlərdə uşaqlara balacalar üçün nəzərdə tutulan tamaşalardan səhnəciklərin göstərilməsi, cizgi filmlərin nümayiş etdirilməsi rəngarənglik yaradır.

Dünən Adil Babayev adına Naxçıvan Muxtar Respublika Uşaq Kitabxanası şəhərimizdəki 6 nömrəli bağçada növbəti “Nağıl günü” keçirmişdir. Tədbiri Respublika Uşaq Kitabxanasının böyük kitabxanaçısı Aytən Qurbanova açaraq rəngarəng nağıl dünyasının gözəlliklərindən, nənə və babalarımızın bizə uşaqlıqdan sevdirdiyi bu janrın xüsusiyyətlərindən söhbət açmışdır. Kitabxananın əməkdaşı Samirə Əliyeva “Dəcəl dovşan” nağılını balaca fidanlar üçün ucadan qiraət etmişdir. Nağıl bitdikdən sonra eyniadlı cizgi filmi də uşaqlar tərəfindən maraqla qarşılanmışdır.

Sonra balacalar uşaq bağçasında kitabxana əməkdaşları tərəfindən təşkil olunmuş “Nağıl dünyamız” kitab sərgisinə baxmışlar.

Ardını oxu...

Kitabxana işçiləri üçün təşkil edilmiş kurs başa çatmışdır

Naxçıvanda kitabxanaçılara sertifikatlar təqdim edilibNaxçıvan Musiqi Kollecində “Kitabxana işinin təşkili və müasir tələblər” mövzusunda keçirilən kursu müvəffəqiyyətlə bitirənlərə bu gün sertifikatlar təqdim edilib. Naxçıvan Muxtar Respublikası Mədəniyyət və Turizm Nazirliyi və Naxçıvan Müəllimlər İnstitutunun birgə təşkilatçılığı ilə kitabxana işçiləri üçün 10 dərs gününü əhatə edən kurs təşkil edilmişdir.

Naxçıvan Muxtar Respublikasının Mədəniyyət və Turizm naziri Natəvan Qədimova çıxış edərək bildirib ki, Naxçıvan Muxtar Respublikasında 234 kitabxana fəaliyyət göstərir və kitabxanalarda 439 nəfər kitabxana işçisi çalışır. Kitabxanaçılar kurslarda öyrəndikləri təcrübi biliklərdən istifadə etməklə işlərini günün tələbləri səviyyəsində qurmalıdırlar. Muxtar respublikamızda mədəniyyətin bütün sahələri kimi kitabxanalara da diqqət və qayğı göstərilir. Bu gün kitabxanaların qarşısında keyfiyyətcə yeni vəzifələr qoyulmuşdur. Kitabxana əməkdaşları ənənəvi kitabxanaçılıq təcrübəsi ilə kifayətlənməməli, oxuculara göstərilən xidmət işini yüksək səviyyədə qurmağı bacarmalıdır. Kitabxana işçisi müasir texnologiyalardan istifadə etməyi bacarmalı, intellektual səviyyəsi ilə seçilməlidir.

Ardını oxu...

00365076
Bu gün
Dünən
Bu həftə
Bu ay
Ümumi
3
382
1337
4220
365076

Tarix: 16-11-2019
Biz, sosial şəbəkələrdə: