"Azərbaycanın təbiəti və Azərbaycanda
olan bütün başqa infrastruktur buna
imkan verir ki, ölkəmizə turistlər gəlsinlər"

Heydər Əliyev

 

 

 

 

Naxçıvan Muxtar Respublikası Mədəniyyət və Turizm Nazirliyi Gənclər Təşkilatının növbəti tədbiri olub


Yanvarın 25-də Naxçıvan Muxtar Respublikası Mədəniyyət və Turizm Nazirliyi Gənclər Təşkilatının təşkilatçılığı ilə növbəti tədbir keçirilmişdir.
Tədbirdə Naxçıvan şəhərində yerləşən mədəniyyət müəssisələrində çalışan gənclər iştirak etmişdir. Tədbir proqrama uyğun olaraq Xatirə Muzeyinin ekspozisiyasına baxışla başlamışdır. Burada gənclərə Xatirə Muzeyinin yaradılması, fəaliyyəti, muzeydə nümayiş olunan eksponatlar haqqında geniş məlumat verilmişdir. 

Daha sonra gənclər Dövlət Bayrağı Muzeyində ekskursiyada olmuşlar. Burada onlara muzeyin yaradılması, Naxçıvanın tarix boyu mövcud olmuş atributları haqqında məlumat verilmişdir. ​

 

 

 

 

“20 Yanvar – Ümumxalq Hüzn Günü" mövzusunda tədbir keçirilib

Yanvarın 19-da Naxçıvan Muxtar Respublikası Mədəniyyət və Turizm Nazirliyinin təşkilatçılığı ilə Naxçıvan Dövlət Filarmoniyasında “20 Yanvar – Ümumxalq Hüzn Günü" mövzusunda tədbir keçirilmişdir.

Naxçıvan Muxtar Respublikası Mədəniyyət və Turizm Nazirliyi Aparatının baş məsləhətçisi Pərvin Həsənov tədbiri giriş sözü ilə açaraq bu günün mahiyyətindən geniş danışmışdır. Bildirmişdir ki, 20 Yanvar faciəsinin törədilməsindən artıq 27 il ötür. Bu faciə milli ideallar uğrunda mübarizə aparan soydaşlarımızın hər cür məhrumiyyətlərə sinə gərmək əzminin bariz ifadəsi, xalqımızın tarixinə yazılan şanlı bir səhifədir.Elə bir səhifə ki, üstündən neçə illər keçsə belə, bizə milli ideallar uğrunda mübarizənin haqq səsi olduğunu xatırladır.

Ardını oxu...

C.Məmmədquluzadə adına Naxçıvan Muxtar Respublika Ədəbiyyat Muzeyində açıq dərs keçirilib

Cəlil Məmmədquluzadə adına Naxçıvan Muxtar Respublika Ədəbiyyat Muzeyində 20 Yanvar faciəsinin 27-ci ildönümünə həsr olunmuş  “20 Yanvar – Milli azadlıq uğrunda şərəfli mübarizə yolu” mövzusunda 12 nömrəli tam orta məktəbin müəllim və şagirdlərinin iştirakı ilə açıq dərs  keçirilmişdir.

Açıq dərsi giriş sözü ilə muzeyin direktoru Aləmzər İbrahimova açaraq azadlığımız və müstəqilliyimiz yolunda canlarını qurban vermiş vətən oğullarının şücaətindən, mərdliklərindən danışmış, ümummilli lider Heydər Əliyev tərəfindən ilk dəfə bu faciəyə hüquqi–siyasi qiymət verildiyini bildirmişdir. Qeyd olunmuşdur ki, XX əsrdə totalitarizmin həyata keçirdiyi ən qanlı terror aktlarından biri olan 20 Yanvar faciəsi Azərbaycan xalqına, ümumiyyətlə humanizmə və insanlığa qarşı yönəldilmiş dəhşətli cinayətdir.

Ardını oxu...

Naxçıvan Muxtar Respublika Kitabxanasında "20 Yanvar azadlığa aparan yoldur" adlı konfrans keçirilib

Yanvarın 18-də M.S.Ordubadi adına Naxçıvan Muxtar Respublika Kitabxanasında 20 Yanvar faciəsi ilə əlaqədar "20 Yanvar azadlığa aparan yoldur" adlı konfrans keçirilmişdir.

20 Yanvar faciəsinin 27-ci ildönümü ilə əlaqədar keçirilən konfransdan əvvəl şəhidlərimizin əziz xatirəsi bir dəqiqəlik sükutla yad edilmişdir.

Tədbiri giriş sözü ilə kitabxananın direktoru Aytəkin Qəhrəmanova açaraq Azərbaycan xalqının vətənə, torpağa sədaqətini, azadlıq, müstəqillik uğrunda mübarizədə sarsılmazlığını bütün dünyaya göstərən 20 Yanvar faciəsinin səbəblərindən, Sovet imperiyasına rəhbərlik edən ermənipərəst vəzifə sahiblərinin Azərbaycan xalqına qarşı məkrli siyasətlərindən və 1990-cı ildə törədilən qanlı cinayətlərdən ətraflı danışıb.

Böyük kitabxanaçı Vəsilə Cəfərova  "20 Yanvar azadlığa aparan yoldur" adlı məruzə ilə çıxış etmişdir. Qeydiyyat bölməsinin müdiri Fəridə Heydərova "20 Yanvar şəhidləri", kitabxanaçı Gülnisə Zeynallı "Şəhidlər unudulmur" adlı mövzularla çıxış etmişlər.

Ardını oxu...

“20 Yanvar - Ümumxalq Hüzn Günü”nün 27-ci ildönümünə həsr olunmuş tədbir keçirilib

Yanvarın 17-də Naxçıvan şəhər 2№li Uşaq Musiqi məktəbində “20 Yanvar - Ümumxalq Hüzn Günü”nün 27-ci ildönümünə həsr olunmuş tədbir keçirilib.

Tədbiri giriş sözü ilə məktəbin direktoru Səməd Əsgərov açaraq bildirmişdir ki, 1990-cı ilin 20 yanvar hadisəsi Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi daxil olmuşdur. Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi daxil olmuş 1990-cı ilin 20 yanvarında ölkəmizə qarşı ərazi iddiaları irəli sürən Ermənistanın təcavüzkar hərəkətlərindən və keçmiş SSRİ rəhbərliyinin onlara havadarlığından hiddətlənən, Bakının küçələrinə və meydanlarına çıxaraq buna öz qəti etirazını bildirən geniş xalq kütlələrinə qarşı sovet ordusunun döyüş hissələrinin yeridilməsi Azərbaycanda misli görünməmiş faciəyə gətirib çıxardı. 1990-cı il yanvarın 19-dan 20-nə keçen gecə Sovet ordusu erməni quldur dəstələri ilə birgə Azərbaycan xalqına qarşı terror aktı həyata keçirib. Sovet qoşunlarının təcavüzü nəticəsində Bakıda 137 mülki vətəndaş öldürülmüş, 600-dən çox adam yaralanmışdır və 800 nəfərdən çox insan həbs olunmuşdur. 1990-cı ilin yanvar qırğını nə qədər faciəli olsa da, Azərbaycan xalqının iradəsini, milli azadlıq uğrunda mübarizə əzmini qıra bilmədi.

Ardını oxu...

Naxçıvan Muxtar Respublikası Mədəniyyət və Turizm Nazirliyində ötən ilin yekunları və qarşıda duran vəzifələr müzakirə olunub

Dünən Naxçıvan Muxtar Respublikası Mədəniyyət və Turizm Nazirliyində ötən il görülmüş işlərə və qarşıda duran vəzifələrə həsr olunmuş kollegiya iclası keçirilmişdir. Kollegiya iclasını Naxçıvan Muxtar Respublikasının Mədəniyyət və Turizm naziri Natəvan Qədimova açaraq məruzə ilə çıxış etmişdir. Bildirilmişdir ki, 2016-cı ildə Mədəniyyət və Turizm Nazirliyi tərəfindən əlamətdar və tarixi günlərlə, sərəncamlarla, yubileylərlə bağlı tədbirlərin keçirilməsi diqqət mərkəzində saxlanılmış, ümumilikdə mədəniyyət müəssisələrində mədəni-maarif işinin müxtəlif forma və metodlarından istifadə edilərək, o cümlədən, elmi-nəzəri konfranslar, festivallar, ədəbi-musiqili gecələr, sərgilər, kitab təqdimatları, oxucu konfransları, ədəbi-bədii gecələr, konsert proqramları, tamaşalar, film nümayişləri, açıq dərslər və s. olmaqla 800-dən çox tədbir keçirilmişdir.

Ardını oxu...

00365122
Bu gün
Dünən
Bu həftə
Bu ay
Ümumi
49
382
1383
4266
365122

Tarix: 16-11-2019
Biz, sosial şəbəkələrdə: