Tələbələr Hüseyn Cavidin ev muzeyində olublar

Ətraflı

Nəşr edilib 21.12.2018 08:49

Baxış sayı: 2077

Dekabrın 20-də Naxçıvan Muxtar Respublikasının Turizm Departamenti tərəfindən təşkil olunan istehsalat təcrübəsi çərçivəsində Naxçıvan Dövlət Universitetində Turizm və otelçilik ixtisası üzrə təhsil alan IV kurs tələbələri Hüseyn Cavidin ev muzeyində olublar.

Qeyd olunub ki, muzey 1981-ci ildə romantik Azərbaycan ədəbiyyatının banisi Hüseyn Cavidin doğulduğu evdə təşkil olunmuşdur. Fondunda 9365 eksponat toplanmışdır. Onların arasında Hüseyn Cavidin həyat və yaradıcılığını əks etdirən fotoşəkillər, əsərlərinin ilk nəşrləri, üzərində şairin avtoqrafı olan əsərləri, tamaşaya qoyulmuş dram əsərlərinin afişa və  proqramları, müxtəlif xatirə və ev əşyaları var. Ekspozisiyada cavidşünasların tədqiqat əsərləri və xatirələri, Hüseyn Cavidin və onun ailə üzvlərinin büstləri də sərgilənir.

Muzeyin ekspozisiyası ilə tanışlıqdan sonra tələbələri maraqlandıran suallar cavablandırılmışdır.

• < Geri
• İrəli >