"Azərbaycanın təbiəti və Azərbaycanda
olan bütün başqa infrastruktur buna
imkan verir ki, ölkəmizə turistlər gəlsinlər"

Heydər Əliyev

 

 

 

 

Ustad dərsləri davam etdirilir

Naxçıvan Muxtar Respublikası Mədəniyyət və Turizm Nazirliyinin təşkilatçılığı ilə Sədərək rayon Uşaq Musiqi Məktəbində rayonun uşaq musiqi məktəbinin müəllim və şagirdləri üçün ustad dərsləri keçirilib.

Ustad dərsləri başlamazdan əvvəl Naxçıvan Muxtar Respublikası Mədəniyyət və Turizm Nazirliyinin aparıcı məsləhətçisi Leyla Əlimərdanova giriş sözü ilə çıxış edərək bildirib ki, bu dərslərin keçirilməsində əsas məqsəd tədrisin keyfiyyətinin yüksəldilməsinə, şagirdlərin bacarıq və qabiliyyətlərinin inkişaf etdirilməsinə nail olmaqdır. Ustad dərslərin bir məqsədi də bu sahədə çalışan müəllimlərə nəzəri və təcrübi kömək göstərməkdən ibarətdir.

Sonra muxtar respublikanın tanınmış müəllim və musiqiçilərindən tar ixtisası üzrə Naxçıvan Muxtar Respublikasının Əməkdar müəllimi Dünyamalı Abdullayev, fortepiano ixtisası üzrə Naxçıvan Muxtar Respublikasının Əməkdar müəllimi Nərminə Qədimova, kamança ixtisası üzrə Naxçıvan Muxtar Respublikasının Əməkdar artisti Əbülfət Babayev, qarmon ixtisası üzrə Naxçıvan Muxtar Respublikasının Əməkdar müəllimi İsa Əliyev müəllim və şagirdlərə ustad dərsi keçiblər.

Ardını oxu...

“Yollara iz düşür” tamaşası rayon ictimaiyyətinə göstərilmişdir

Babək Rayon Xalq Teatrı 2009-cu ildə yaradılsa da maraqlı tamaşaları ilə ictimaiyyətin rəğbətini qazanmışdır. Xalq teatrının hazırladığı “İkinci səs”, “Solğun çiçəklər”, “Ana”, “Şeyx Rəhmətullah”, “Ezop”, “Məhəbbət nişanəsi”, “Unuda bilmirəm”, “Xəcalət” və başqa tamaşalar maraqla qarşılanmışdır. Xalq teatrının bir sıra tamaşaları muxtar respublikanın rayonlarında da göstərilmişdir.

Mayın 23-də Babək Rayon Mədəniyyət Evində Xalq Teatrı XX əsr Azərbaycan ədəbiyyatının görkəmli nümayəndəsi Bəxtiyar Vahabzadənin “Yollara iz düşür” iki hissəli dramı əsasında hazırladlığı tamaşanı rayon ictimaiyyətinə təqdim etmişdir.

Görkəmli sənətkarın bir sıra əsərlərində olduğu kimi “Yollara iz düşür” tamaşasında da insanın mənəvi dünyası, vəzifəsi və özü qarşısında məsuliyyəti, insan ləyaqətinin uca tutulması kimi dəyərlər ön plana çəkilmişdir. Məhz bu tamaşada da cəmiyyətin sağlam təməllər üzərində qurulması ideyası müəllifin əsas düşündürücü mövzusu kimi diqqəti cəlb edirdi. Tamaşanın ilk pərdədən maraqla izlənməsi, tamaşaçı alqışı da bunu təsdiq edirdi.

Ardını oxu...

Heydərəbad qəsəbəsində növbəti xalq yaradıcılığı günü keçirilib

Naxçıvan Muxtar Respublikası Ali Məclisi Sədrinin “Naxçıvan Muxtar Respublikasında Xalq Yaradıcılığı Günlərinin keçirilməsi haqqında”  2009-cu il 7 fevral tarixli Sərəncamından irəli gələn vəzifələrin icrası ilə bağlı tədbirlər davam etdirilir.

Növbəti belə tədbir Sədərək  rayon Heydərəbad qəsəbəsində  keçirilən xalq yaradıcılığı günü olub.

Naxçıvan Muxtar Respublikası Mədəniyyət və Turizm Nazirliyi Mədəniyyət üzrə Elmi-Metodik Mərkəzin direktoru Səyyar Məmmədov və Sədərək   rayon Mədəniyyət və Turizm Şöbəsinin müdiri Rəşad İsmayılov qeyd ediblər ki, Xalq yaradıcılığı günlərinin  keçirilməsi milli-mədəni tariximizin, milli dəyərlərimizin yaşadılmasında böyük əhəmiyyət daşıyır.

Ardını oxu...

“Muxtar respublikamızı tanıyaq” mövzusunda keçirilən foto-müsabiqənin qalibləri mükafatlandırılacaq

May ayının 24-də Naxçıvan Turizm İnformasiya Mərkəzində “Muxtar respublikamızı tanıyaq” mövzusunda keçirilən foto-müsabiqənin qaliblərinin mükafatlandırılması mərasimi keçiriləcək. Müsabiqə iştirakçılarını tədbirdə iştirak etməyə dəvət edirik.

Qeyd edək ki, 01 yanvar  2017-ci il tarixdən 30 aprel 2017-ci il tarixədək muxtar respublikada Naxçıvan Muxtar Respublikası Mədəniyyət və Turizm Nazirliyinin təşkilatçılığı ilə “Muxtar respublikamızı tanıyaq” başlığı altında “Ən yaxşı Naxçıvanın təbiəti fotoşəkli”, “Ən yaxşı memarlıq abidəsi fotoşəkli” və “Ən yaxşı mədəni irs nümunəsi fotoşəkli” nominasiyaları üzrə foto-müsabiqə keçirilmişdir.

Müsabiqənin keçirilməsində məqsəd Naxçıvan Muxtar Respublikasının turizm potensialının tanıdılması, gənclərin təbliğat işində fəallığının artırılması, iştirakçıların bacarıqlarının və ideyalarının üzə çıxarılması və ictimaiyyətin məlumatlandırılmasından ibarətdir.

Müsabiqəyə 43 iştirakçı müraciət etmiş və üç nominasiya üzrə ümumilikdə 300 fotoşəkil təqdim edilmişdir.

Ardını oxu...

“Balaca Şahzadə” Naxçıvan səhnəsində

Mayın 19-da Cəlil Məmmədquluzadə adına Naxçıvan Dövlət Musiqili Dram Teatrında Naxçıvan Dövlət Uşaq Teatrının görkəmli fransız yazıçısı Antuan Do Sənt Ekzuperinin (1900-1944) “Balaca şahzadə” (1943) alleqorik nağıl-povesti əsasında hazırladığı tamaşanın premyerası olub.

Qeyd edək ki, dünya şöhrətli yazıçının povestləri təqribən 50 il bundan əvvəl həmyerlimiz yazıçı-tərcüməçi Cəfər Bağır tərəfindən rus dilindən dilimizə tərcümə olunaraq oxuculara tanıdılmışdır. Lakin son illər yazıçının bir sıra əsərləri, o cümlədən “Balaca şahzadə” əsəri fransız dilindən birbaşa dilimizə tərcümə olunaraq nəşr olunmuşdur. “Balaca şahzadə” povestinin orjinaldan isə dilimizə Əziz  Gözəlov və Yaqut Qurbanova tərcümə etmişlər. Povesti səhnələşdirən Azərbacan Respublikasının Əməkdar artisti Tofiq Seyidov bu nəşrdən istifadə etmişdir. İnsan mənəviyyatının gözəlliyi müəllifin başqa əsərlərində olduğu kimi bu əsərdə də tərənnüm edilir.

Ardını oxu...

Azərbaycanın xalq şairi Rəsul Rzanın 107 illiyi qeyd olunub

Cəlil Məmmədquluzadə  adına Naxçıvan Muxtar Respublika Ədəbiyyat Muzeyində Naxçıvan şəhər 5 nömrəli tam orta məktəblə birlikdə mayın 19-da Azərbaycanın xalq şairi Rəsul Rzanın ədəbi irsinin təbliğ olunması istiqamətində "Poeziyamızın novator şairi - Rəsul Rza" mövzusunda açıq dərs keçirilib.

Açıq dərsi giriş sözü ilə açan muzeyin direktoru Aləmzər İbrahimova ədibin həyatından, çoxşaxəli yaradıcılığından söhbət açdı. Sonra "Poeziyamızın novator şairi - Rəsul Rza" mövzusunda çıxış edən Naxçıvan şəhər 5 nömrəli tam orta məktəbin müəllimi Zeynəb Əsgərova şairin novatorluqfəaliyyətindən geniş və məzmunlu çıxış edərək bildirdi ki, ədibin əsas istiqamətlərindən biri onun lirikası təşkil edir. O, şairin nəzmlə yazılmış şerləri ilə yanaşı nəsrlə qələmə alınmış əsərlərinədə toxundu.

Ardını oxu...

00373152
Bu gün
Dünən
Bu həftə
Bu ay
Ümumi
235
561
2750
3376
373152

Tarix: 08-12-2019
Biz, sosial şəbəkələrdə: