"Azərbaycanın təbiəti və Azərbaycanda
olan bütün başqa infrastruktur buna
imkan verir ki, ölkəmizə turistlər gəlsinlər"

Heydər Əliyev

 

 

 

 

Şahbuzun ecazkar təbiəti tur-aksiya iştirakçılarında zəngin təəssürat yaradıb

Şahbuzun ecazkar təbiəti tur-aksiya iştirakçılarında zəngin təəssürat yaradıb“Ölkəmizi tanıyaq” maarifləndirici tur-aksiyasının iştirakçıları martın 25-də Naxçıvan Muxtar Respublikasının Şahbuz rayonuna gəliblər.

Şagirdlər əvvəlcə “Farma Şah” Məhdud Məsuliyyətli Cəmiyyəti ilə tanış olublar. Bildirilib ki, 2009-cu il aprelin 27-də təsis edilən müəssisə 2010-cu ildən tam fəaliyyətə başlayıb. Şahbuz şəhərində yerləşən müəssisədə paketlənmiş dərman bitkiləri, çaylar və bəkməzlər istehsal olunur. Müəssisənin avadanlıqları Çin, İran və Almaniyadan gətirilib. Burada il ərzində 8 ton xammal toplanılaraq emal olunur və qablaşdırılır.

Şahbuz şəhər 2 saylı tam orta məktəbdə şagirdlərə məlumat verilib ki, məktəb 216 şagird yerlikdir. Məktəbin 3 mindən çox dərslik və bədii ədəbiyyat fondu olan kitabxanasında internet vasitəsilə digər elektron kitabxanalara da müraciət etmək mümkündür. Şahbuz şəhər 2 saylı tam orta məktəb 2013-2014-cü tədris ilində keçirilmiş müsabiqədə “Ən yaxşı ümumtəhsil məktəbi” adına layiq görülüb. 1930-cu ildə ibtidai məktəb kimi yaradılan təhsil ocağı sonralar 8 illik, daha sonra isə tam orta məktəb statusuna yiyələnib. Müasir standartlara cavab verən, arxitekturası ilə diqqəti cəlb edən üçmərtəbəli yeni tədris binası 2014-cü ilin payızında şagirdlərin ixtiyarına verilib.

Ardını oxu...

Naxçıvanın müalicəvi turizm imkanları dəyərləndirilir

Naxçıvanın müalicəvi turizm imkanları dəyərləndirilirMuxtar respublikada  250-dən çox mineral və müalicəvi su mənbəyi var. Onlardan bir çoxu tərkibinə görə nadir sulardan hesab olunur. Bu yeraltı sərvətlərdən biri də “Darıdağ” arsenli mineral suyudur.

Bu sudan hələ qədim zamanlardan sümük-oynaq, əzələ, dayaq-hərəkəti sistemi xəstəliklərində, o cümlədən  duzlaşma  adlanan patologiyalar və onun müxtəlif fəsadlarında geniş istifadə edilib. “Darıdağ” Arsenli Su Müalicəxanası 2005-ci ildə müasir tələblər səviyyəsində yenidən qurularaq istifadəyə verilib. Bayram günlərində də yerli və xarici vətəndaşlar müalicə üçün buraya üz tuturlar. Müalicəxana ilin bütün fəsillərində gündəlik iki növbədə xidmət göstərir.

Ardını oxu...

Muxtar respublikaya gələn turistlərin sayı ilbəil artır

Muxtar respublikaya gələn turistlərin sayı ilbəil artırCari ilin yanvar-fevral  ayları  ərzində muxtar respublikaya 44 min 672 nəfər turist gəlib ki, bu da bir il öncəki  göstəricidən 6,8 faiz çoxdur. 

Novruz bayramı ilə əlaqədar olaraq muxtar respublikaya gələn turistlər üçün də otellərdə hər cür şərait yaradılıb. Bu il mehmanxanalarda qalan turistlər üçün info-turlar da təşkil olunacaq.

Beş ulduzlu “Təbriz” mehmanxanasından bildirilib ki, oteldə Novruz bayramı ilə əlaqədar olaraq hazırlıqlar görülüb. Naxçıvana turist axını ilə əlaqədar otel tamamilə dolub. Qonaqlar arasında İrandan gələnlər çoxluq təşkil edir. Mart ayının 16-dan başlayaraq turistlər üçün konsertlər və əyləncəli proqramlar təşkil olunub.

Ardını oxu...

Tur-aksiya iştirakçıları Naxçıvanın tarixi abidələri, mədəniyyət və təhsil müəssisələri ilə tanış olublar

Martın 24-də “Ölkəmizi tanıyaq” maarifləndirici tur-aksiya çərçivəsində Naxçıvan Muxtar Respublikasına gələn Bakılı məktəblilər qədim diyarın Ordubad və Culfa rayonlarının ərazisində yerləşən tarixi abidələr, mədəniyyət və təhsil müəssisələri ilə tanış olublar.

Füsunkar təbiəti ilə diqqət çəkən Ordubad rayonu ilə tanışlıq Bakı məktəbliləri üçün xüsusilə maraqlı keçib. Əvvəlcə şagirdlər Ordubad şəhərindəki 3 nömrəli tam orta məktəbə gəliblər. Burada bildirilib ki, 810 şagird yerlik məktəbdə 5-i elektron lövhəli olmaqla, 45 sinif otağı, kimya, biologiya və fizika laboratoriyaları, hərbi kabinet, 3 kompüter, 2 şahmat, 2 müəllimlər otağı, kitabxana, bufet və idman zalı var. Burada şagirdlərin bilik və maraqlarına uyğun tədbirlərin keçirilməsi, onların fəal mütaliəyə cəlb olunması üçün lazımi şərait yaradılıb. Məktəbin kitabxanasında 14 minə yaxın kitab var. Təhsil sisteminin informasiya texnologiyaları əsasında təkmilləşdirilməsi və interaktiv təlim metodlarından istifadə yüksək nəticələrin qazanılmasına imkan verir. Məktəbdə 57 kompüter şagirdlərin istifadəsindədir. Elektron lövhəli siniflərdə şagirdlər istənilən kimyəvi reaksiyanın, fiziki və bioloji proseslərin izahını və videogörüntülərini, müxtəlif cihazların, qurğuların, texniki vasitələrin işləmə prinsiplərini izləyə, eləcə də virtual tədris mübadiləsi apara bilirlər. Bu isə tədris materiallarının daha yaxşı mənimsənilməsinə kömək edir.

Ardını oxu...

Naxçıvan şəhəri ilə tanışlıq bakılı məktəblilərdə zəngin təəssürat oyadıb

“Ölkəmizi tanıyaq” maarifləndirici tur-aksiyası çərçivəsində martın 23-də Bakı şəhərinin Səbail, Sabunçu, Suraxanı, Nizami, Yasamal və Pirallahı rayonlarının məktəblərindən olan 160 şagird Naxçıvan Muxtar Respublikasına gəlib. Tur-aksiya iştirakçıları Naxçıvan Beynəlxalq Hava Limanında qarşılanıblar.

Məktəblilər əvvəlcə xalqımızın ümummilli lideri Heydər Əliyevin Naxçıvan şəhərinin baş meydanında əzəmətlə ucalan abidəsini ziyarət ediblər.

Sonra şagirdlər Heydər Əliyev Muzeyinə gələrək buradakı eksponatlarla tanış olublar. Məlumat verilib ki, bu gün muzeyin fondunda ulu öndərin həyat və fəaliyyətini əks etdirən 4600-dən çox eksponat toplanıb. Muzey Naxçıvan Muxtar Respublikası Ali Məclisi Sədrinin 1999-cu il fevralın 18-də imzaladığı Sərəncam əsasında yaradılıb və 1999-cu il mayın 10-da fəaliyyətə başlayıb.

Ardını oxu...

Naxçıvanın 5 minillik şəhər mədəniyyəti şagirdlərdə böyük maraq doğurub

Naxçıvanın 5 minillik şəhər mədəniyyəti şagirdlərdə böyük maraq doğurub“Ölkəmizi tanıyaq” devizi ilə keçirilən maarifləndirici tur-aksiyanın iştirakçıları Naxçıvan şəhərinin mədəniyyət müəssisələri, tarixi abidələri ilə yaxından tanış olublar.

Məktəblilər əvvəlcə Duzdağ Fizioterapiya Mərkəzinə gəliblər. Burada onlara məlumat verilib ki, mərkəz 1979-cu il dekabrın 29-dan 50 çarpayılıq xəstəxana kimi Naxçıvan duz mədəni bazasında fəaliyyət göstərir. Dəniz səviyyəsindən 1173 metr hündürlükdə yerləşir. 2003-cü ildə xəstəxananın yeraltı şöbəsində müasir tələblərə uyğun yenidənqurma işləri aparılıb, yeraltı şöbə genişləndirilib, müasir avadanlıqlarla və ləvazimatlarla təmin edilib. Duzdağ Fizioterapiya Mərkəzinin digər duz şaxtalarından üstünlüyü ondadır ki, şaxta horizontal yerləşdiyindən xəstələr yeraltı şöbəyə tez adaptasiya olunurlar. Digər tərəfdən şaxtada oksigen və havanın temperaturu daim sabit qalır. Bu da astma, bronxit xəstələrinin sağalması prosesinin daha da sürətlənməsinə səbəb olur.

Ardını oxu...

00357720
Bu gün
Dünən
Bu həftə
Bu ay
Ümumi
5
249
254
4655
357720

Tarix: 22-10-2019
Biz, sosial şəbəkələrdə: