"Azərbaycanın təbiəti və Azərbaycanda
olan bütün başqa infrastruktur buna
imkan verir ki, ölkəmizə turistlər gəlsinlər"

Heydər Əliyev

 

 

 

 

Naxçıvan Musiqi Kollecinin ansambllarının konserti olub

Aprelin 19-da Culfa rayonunun Boyəhməd kənd mərkəzində Naxçıvan Musiqi Kollecinin “Muğam üçlüyü” və“Sazçalanlar” ansamblının konserti olmuşdur.

Bildirilib ki, kollecdə milli musiqi alətlərimizin və xalq mahnılarımızın yaşadılması, eləcə də klassik və müasir dünya bəstəkarlarının öyrənilməsi, gənc musiqi kadrların yetişdirilməsi sahəsində uğurlar əldə edilib. Kollecin məzunları ölkəmizin mədəniyyət müəssisələrində, uşaq musiqi məktəblərində çalışaraq musiqi mədəniyyətimə xidmət göstərirlər. Kollec təhsil müəssisəsi kimi fəaliyyəti ilə bərabər, həm də respublika üzrə keçirilən mötəbər tədbirlərdə, el şənliklərində konsert proqramları ilə çıxış edir. 40 ildən artıqdır ki, kollecdə müxtəlif musiqi kollektivləri də yaradılıb.

Gənc istedadlar musiqi sənətimizi təbliğ etməklə yanaşı, keçirilən müsabiqələrdə də fəal iştirak edirlər. Ansambllara yeni istetadların cəlb edilməsi və repertuar zənginliyinə diqqət əsas məsələlərdəndir. Hazırda kollektivlər qarşıdan gələn əlamətdar günlərlə bağlı yeni repertuar hazırlayır. Kollecin musiqi kollektivləri muxtar respublikada keçirilən bayram şənliklərində də fəal iştirak edirlər.

Ardını oxu...

Görkəmli rəssamın yaradıcılığına həsr olunmuş ustad dərs keçirilib

Aprelin 19-da Şərur Şəhər B.Kəngərli adına Uşaq İncəsənət Məktəbində “Görkəmli rəssam Şamil Qazıyevin yaradıcılığında Naxçıvan” mövzusunda ustad dərs keçirilib.

Ustad dərs başlamazdan əvvəl Şərur Şəhər B.Kəngərli adına Uşaq İncəsənət Məktəbinin direktoru Bəhruz İbrahimov çıxış edərək bildirib ki, Naxçıvan Muxtar Respublikası Ali Məclisinin Sədri Vasif Talıbovun 2018-ci il 1 fevral tarixli Sərəncamı ilə görkəmli rəssam Şamil Qazıyevin 110 illik yubileyi qədim diyarımızda geniş qeyd edilir. Sərəncama əsasən təsdiq edilmiş tədbirlər planında rəssamın yubileyi ilə əlaqədar bir sıra tədbirlərin, o cümlədən uşaq incəsənət məktəblərində “Şamil Qazıyevin yaradıcılığında Naxçıvan” mövzusunda ustad dərs keçirilməsi də nəzərdə tutulmuşdur. Mədəniyyət və Turizm Nazirliyinin təşkilatçılığı ilə muxtar respublikanın bütün incəsənət məktəblərində ustad dərslər keçiriləcəkdir. Məqsəd incəsənət məktəblərində təhsil alan şagirdləri görkəmli rəssamın yaradıcılığı ilə ətraflı tanış etmək, rəssamın Naxçıvanla bağlı əsərlərini onlara tanıtmaqdır.

Ardını oxu...

“Molla Nəsrəddin” jurnalının 112-ci illiyinə həsr olunmuş tədbir keçirilib

Aprelin 19-da Cəlil Məmmədquluzadə adına Naxçıvan Muxtar Respublika Ədəbiyyat Muzeyində “Molla Nəsrəddin” ədəbi məktəbinin ənənələri və molla nəsrəddinçilik” mövzusunda tədbir keçirilib.

Tədbiri giriş sözü ilə Cəlil Məmmədquluzadə adına Naxıçıvan Muxtar Respublika Ədəbiyyat Muzeyinin direktoru Aləmzər İbrahimova açaraq bildirib ki, 112 il bundan əvvəl nəşrə başlayan “Molla Nəsrəddin” jurnalı Azərbaycan mətbuat tarixinin ən parlaq səhifələrindən biridir. “Molla Nəsrəddin” jurnalının nəşrə başlaması təkcə Azərbaycanda deyil, Yaxın və Orta Şərqdə, bütün İslam aləmində də mühüm hadisə idi. Jurnalın hər bir yeni nömrəsi o zaman beynəlxalq mətbuatda, ictimai dairələrdə qızğın fikir mübadiləsi yaradırdı.

Ardını oxu...

Əl işlərindən ibarət sərgi keçirilib

Aprelin 18-də Naxçıvan Turizm İnformasiya Mərkəzində əl işlərindən ibarət sərgi keçirilib.

“Naxçıvan Mətbəxi” Kulinariya Mərkəzinin təşkil etdiyi sərginin açılışında Naxçıvan Muxtar Respublikası Mədəniyyət və Turizm Nazirliyinin aparat rəhbəri Gülbuta Babayeva çıxış edərək bildirib ki, muxtar respublikamızda Naxçıvanın İslam Mədəniyyətinin Paytaxtı elan olunması ilə bağlı bir sıra tədbirlər keçirilir. Bu tədbir də bu əlamətdar hadisəyə həsr olunub. Naxçıvan Muxtar Respublikası Ali Məclisi Sədrinin “Naxçıvan Muxtar Respublikasında Xalq yaradıcılığı günlərinin keçirilməsi haqqında” 7 fevral 2009-cu il tarixli Sərəncamından sonra qədim diyarımızda milli-mənəvi dəyərlərimizin qorunması, təbliği və gələcək nəsillərə çatdırılması istiqamətində mühim tədbirlər həyata keçirilmişdir və bu işlər ardıcıl olaraq davam etdirilməkdədir. Zəngin tarixə və böyük nailiyyətlərə malik olan Naxçıvan mətbəxi milli mədəniyyətimizin mühim tərkib hissəsidir. Xalq yaradıcılığının ən qədim sahələrindən olan kulinariya mədəniyyətinin sistemli şəkildə öyrənilməsi və inkişaf etdirilməsi, təbliğ olunması və tanıdılması məqsədilə Naxçıvan Muxtar Respublikası Ali Məclisinin Sədri cənab Vasif Talıbov tərəfindən 9 aprel 2009-cu il tarixində “Naxçıvan Mətbəxi” Kulinariya Mərkəzinin yaradılması haqqında”Sərəncam imzalanmış və Naxçıvan Muxtar Respublikası Mədəniyyət və Turizm Nazirliyinin tabeliyində fəaliyyətə başlamışdır.

Ardını oxu...

Mədəniyyət sahəsində qarşıya qoyulan vəzifələr yerinə yetirilib

2018-ci ilin birinci rübü başa çatmışdır. Bu dövrdə Naxçıvan Muxtar Respublikası Mədəniyyət və Turizm Nazirliyi tərəfindən əlamətdar və tarixi günlərlə bağlı tədbirlər, muzeylərin fəaliyyəti nəzarətdə saxlanılmış, Naxçıvan Dövlət Rəsm Qalereyasında “Ulu öndər Heydər Əliyev gənc rəssamların gözü ilə” mövzusunda rəsm müsabiqəsi keçirilmişdir. “Xan Sarayı” Dövlət Tarix-Memarlıq, Möminə Xatın və Açıq Səma Altında Muzey Kompleksində, Heydər Əliyev Muzeyində, Naxçıvan Dövlət Tarix Muzeyində, Culfa Rayon Tarix-Diyarşünaslıq Muzeyində muzey bələdçiləri üçün seminar-treninq keçirilmiş, distant və açıq dərslər davam etdirilmişdir. Rüb ərzində muzeyləri 41 min 33-ü əcnəbi vətəndaş olmaqla, ümumilikdə, 116 min 653 tamaşaçı ziyarət etmişdir. Bu dövrdə muzeylərə 402 yeni eksponat daxil olmuşdur. “Şərur” Xalq Yallı Ansamblı Türkiyə Respublikasında “Kastamonu 2018 – Türk Dünyası Mədəniyyət Paytaxtı”nın açılış mərasimində və TURKSOY səviyyəsində keçirilən Novruz şənliklərində uğurla çıxış etmişdir.

Ardını oxu...

Beynəlxalq Abidələr və Tarixi Yerlər Günü qeyd edilib

Görüntünün olası içeriği: bir veya daha fazla kişi, ayakta duran insanlar, kalabalık ve açık havaBabək Rayon Tarix-Diyarşünaslıq Muzeyində 18 Aprel Beynəlxalq Abidələr və Tarixi Yerlər gününə həsr olunmuş tədbir keçirilib.

Tədbiri giriş sözü ilə Babək Rayon Mədəniyyət və Turizm Şöbəsinin müdiri Ceyhun Fərəcov açaraq bildirib ki, YUNESKO-nun Abidələrin mühafizəsi məsələləri üzrə Beynəlxalq Şurasının qərarı ilə 1982-ci ildən etibarən hər il aprelin 18-i dünyada “Beynəlxalq Abidələr və Tarixi Yerlər Günü” kimi qeyd olunur. Bu günün qeyd olunmasında əsas məqsəd insanların diqqətini tarixi abidə və yerlərin qorunmasına yönəltməkdir. Şöbə müdiri ümummilli lider Heydər Əliyevin Naxçıvanın tarixinin və qədim abidələrinin öyrənilməsi sahəsində həyata keçirdiyi tədbirlərdən və qəbul etdiyi qərarlardan danışıb.

Ardını oxu...

00238141
Bu gün
Dünən
Bu həftə
Bu ay
Ümumi
394
417
811
8514
238141

Tarix: 19-06-2018
Biz, sosial şəbəkələrdə: