"Azərbaycanın təbiəti və Azərbaycanda
olan bütün başqa infrastruktur buna
imkan verir ki, ölkəmizə turistlər gəlsinlər"

Heydər Əliyev

 

 

 

 

Naxçıvanın turizm potensialı Mərkəzi Asiyada tanıdılmışdır

20-22 aprel 2022-ci il tarixlərdə Qazaxıstanın Almatı şəhərində “KİTF 2022 – Qazaxıstan Beynəlxalq Turizm Sərgisi” keçirilmişdir. Dünyanın 15 ölkəsinin 250-yə yaxın turizm şirkəti və təşkilatının iştirak etdiyi sərgidə ölkələrin turizm imkanları və turizm məhsulları tanıdılaraq qarşılıqlı əməkdaşlıq imkanları müzakirə olunmuşdur. 2001-ci ildən etibarən hər il təşkil olunan “KİTF” sərgisi Mərkəzi Asiya üzrə ən böyük peşəkar turizm platforması hesab olunur. Sərgidə Azərbaycanın milli stendində 5 yerli turizm şirkəti, 2 mehmanxana qrupu, “Azərbaycan Hava Yolları” Qapalı Səhmdar Cəmiyyəti, Naxçıvan Muxtar Respublikasının Turizm Departamenti və “Duzdağ” hotel iştirak etmişdir.    

Qazaxıstan turizm şirkətləri, eləcə də digər Mərkəzi Asiya ölkələrindən olan şirkətlərin və turizm üzrə ixtisaslaşmış təşkilatların iştirak etdiyi sərgidə Naxçıvan Muxtar Respublikasının stendi qurulmuş, muxtar respublikanın turizm potensialı təbliğ olunmuşdur. Naxçıvan Muxtar Respublikası Turizm Departamentinin və “Nəqşicahan” Holdinq Şirkətlər Qrupunun əməkdaşları tərəfindən sərgi iştirakçılarına Naxçıvan Muxtar Respublikasının turizm potensialı və mövcud turizm məhsulları barədə geniş məlumat verilmiş, eyni zamanda muxtar respublikanın sağlamlıq turizm potensialı ziyarətçilərə təqdim olunmuşdur.

Ardını oxu...

Naxçıvan Muxtar Respublikasının turizm potensialı Təl-Əvivdə təbliğ olunub

29-30 mart 2022-ci il tarixlərdə İsrail Respublikasının Təl-Əviv şəhərində 30-dan çox ölkənin iştirak etdiyi “Beynəlxalq Aralıq dənizi Turizm Bazarı” (IMTM 2022) sərgisində vahid Azərbaycan stendi altında “Naxçıvan Muxtar Respublikası” stendi təşkil edilərək muxtar respublikanın turizm potensialı təbliğ olunmuşdur.

Muxtar respublikanın ilk dəfə  iştirak etdiyi sərgidə “Naxçıvan Muxtar Respublikası” stendi, xüsusilə də quraşdırılmış monitor vasitəsilə diyarımızın turizm potensialı ilə bağlı videoçarxların nümayişi marağa səbəb olmuşdur. Həmçinin Naxçıvan Muxtar Respublikasının Turizm Departamenti tərəfindən hazırlanmış bukletlər, eləcə də muxtar respublikada fəaliyyət göstərən hotellər haqqında çap məhsulları, “Naxçıvan mətbəxi”, “Naxçıvan 4 fəsildə”, “Naxçıvan şərqin əfsanəsi” kitabları, eyni zamanda yerli istehsal məhsullarımızdan “Badamlı”, “Sirab” mineral suları, Naxçıvan duzu beynəlxalq sərgidə nümayiş etdirilmişdir.

Ardını oxu...

Tələbələrin istehsalat təcrübəsi davam edir

Naxçıvan Muxtar Respublikası Turizm Departamentinin hamiliyinə verilmiş  Naxçıvan Dövlət Universitetinin “Turizm və otelçilik” ixtisası üzrə təhsil alan IV kurs tələbələrinin istehsalat təcrübəsi davam edir. 17-fevral 2022-ci il tarixdən 27-may  2022-ci il tarixinədək Naxçıvan Muxtar Respublikasında yerləşən muzeylərdə və turizm obyektlərində davam edəcək istehsalat təcrübəsinin qrafikinə əsasən tələbələr 11 mart 2022-ci il tarixdə Heydər Əliyev Muzeyində istehsalat təcrübəsində olublar.

Burada tələbələrə muzeyin yaranma tarixi haqqında məlumat verilmiş, bildirilmişdir ki, Heydər Əliyev Muzeyi Naxçıvan Muxtar Respublikasının Ali Məclisi  Sədrinin  1999-cu il fevralın  18-də  imzaladığı Sərəncamla yaradılıb və həmin ilin may ayının 10-da fəaliyyətə başlayıb. Qeyd olunub ki, muzeydə zəngin fond materialları, orijinal sənədlər və eksponatlarla dahi rəhbərin mənalı həyatı, xalqımızın rifahı, xoş gələcəyi naminə siyasi fəaliyyətinin ayrı-ayrı dövrləri, mərhələləri işıqlandırılıb. Muzeydəki dəyərli ekspozisiyada Ulu Öndərimizin uşaqlıq və gənclik dövrü, təhsil illəri, ilk əmək fəaliyyəti, 1969-1982-ci illərdə Azərbaycana rəhbərliyinin birinci dövrü, Moskvada çalışdığı və yaşadığı dövr Naxçıvana qayıdışı, muxtar respublikaya rəhbərlik etdiyi illər, müstəqil Azərbaycanın memarı kimi fəaliyyəti dövrü zəngin materiallarla tələbələrə nümayiş etdirilmişdir. 

Ardını oxu...

Naxçıvan Muxtar Respublikasının Turizm Departamentində “Beynəlxalq sərgilərin turizmdə rolu” mövzusunda seminar keçirilmişdir

10 mart 2022-ci il tarixdə Naxçıvan Muxtar Respublikasının Turizm Departamenti  tərəfindən muxtar respublikada fəaliyyət göstərən turizm sektoru nümayəndələri və turizm könüllülərinin iştirakı ilə “Beynəlxalq sərgilərin turizmdə rolu” mövzusunda seminar keçirilmişdir. Tədbirdə çıxış edən Naxçıvan Muxtar Respublikası Turizm Departamentinin Statistika və sertifikatlaşdırma sektorunun müdiri Süleyman Rüstəmov bildirmişdir ki, 25 fevral 2022-ci il tarixdə Naxçıvan Muxtar Respublikası Ali Məclisi Sədri tərəfindən Naxçıvan Muxtar Respublikasında təsərrüfat işlərinə hazırlıq və qarşıda duran vəzifələr barədə müşavirə keçirilmişdir. Müşavirədə Naxçıvan Muxtar Respublikasının Turizm Departamentinin də qarşısına bir sıra tapşırıqlar qoyulmuşdur ki, bunlardan biri də turizm müəssisələri ilə qarşılıqlı fəaliyyətin təmin edilməsidir. Verilmiş tapşırığın icrası ilə əlaqədar olaraq, bugünkü tədbirimizin məqsədi dövlət və özəl sektor arasında qarşılıqlı əlaqənin möhkəmləndirilməsindən, xarici ölkələrdə keçiriləcək beynəlxalq turizm sərgilərində mehmanxanaların, turoperatorların və digər turizm xidmətləri göstərən müəssisələrin iştirakına dəstək verməkdən ibarətdir. Məruzəçi qeyd etmişdir ki,  Naxçıvan Muxtar Respublikası Ali Məclisi Sədrinin diqqət və qayğısı ilə muxtar respublikada həyata keçirilən uğurlu sosial-iqtisadi islahatlar turizmi inkişaf edən sektora çevirib. Bunun nəticəsidir ki, son illər muxtar respublikada həyata keçirilən genişmiqyaslı abadlıq və quruculuq işləri, yaradılan müasir infrastruktur, yaşıllıqların artırılması, tarixi-memarlıq abidələrinin yenidən bərpa olunması, müasir turizm obyektlərinin yaradılması, müalicə mərkəzlərinin yenidən qurulması, beynəlxalq tədbirlərin və idman yarışlarının keçirilməsi, müxtəlif festivalların təşkil olunması regionda turizmin inkişafına əsaslı təsir etmiş və muxtar respublikaya gələn turistlərin sayının günü-gündən artmasına səbəb olmuşdur.

Ardını oxu...

“Turist marşrutlarına tələblər və marşrutun hazırlanma qaydaları” mövzusunda seminar keçirilmişdir

9 mart 2022-ci il tarixdə Naxçıvan Muxtar Respublikasının Turizm Departamenti tərəfindən Naxçıvan Dövlət Universitetinin “Turizm və otelçilik” ixtisası üzrə təhsil alan IV kurs tələbələri üçün “Turist marşrutlarına tələblər və marşrutun hazırlanma qaydaları” mövzusunda seminar keçirilmişdir. Tədbiri giriş sözü ilə açan Naxçıvan Muxtar Respublikası Turizm Departamentinin Statistika və sertifikatlaşdırma sektorunun müdiri Süleyman Rüstəmov bildirmişdir ki, Naxçıvan Muxtar Respublikası  Ali  Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli Sərəncamına uyğun olaraq Naxçıvan Dövlət Universitetinin “Turizm və otelçilik” ixtisası Turizm Departamentinin hamiliyinə verilmişdir. Bu Sərəncamın icrası ilə əlaqədar olaraq tələbələrin peşə hazırlığının yüksəldilməsi məqsədilə Departament tərəfindən mütəmadi olaraq müxtəlif formatlı tədbirlər keçirilir, müəyyən edilmiş vaxtlarda tələbələrin istehsalat təcrübəsi keçmələri təmin olunur, müxtəlif turizm məkanlarına ekskursiyaları təşkil edilir.

Ardını oxu...

Muxtar respublikanın turizm potensialından istifadə diqqət mərkəzindədir

Turizm sahəsi həm iqtisadi inkişafı təmin edir, həm də yeni iş yerlərinin açılması və beynəlxalq tələblərə uyğun xidmət sferasının formalaşması üçün mühüm vasitədir.  
    Naxçıvan Muxtar Respublikasının zəngin təbiəti, qədim tarixi və maddi mədəniyyət abidələri burada turizmin inkişafı üçün geniş imkanlar açır. Bu istiqamətdə irimiqyaslı layihələrin hazırlanaraq həyata keçirilməsi yeni turizm məhsullarının meydana çıxmasına səbəb olur. Digər tərəfdən mövcud tarixi-mədəni abidələrin bərpası və yenidən qurulması ilə bağlı aparılan işlər də olduqca əhəmiyyətlidir. Görülən işlər onu deməyə əsas verir ki, Naxçıvanın turizm potensialından maksimum istifadəyə yönələn tədbirlər ardıcıl şəkildə davam etdirilir. Bu məqsədlə Naxçıvan Muxtar Respublikası Ali Məclisi Sədrinin 2018-ci il 31 yanvar tarixli Sərəncamı ilə “2018-2022-ci illərdə Naxçıvan Muxtar Respublikasında turizmin inkişafına dair Dövlət Proqramı” təsdiq edilmiş, proqramda nəzərdə tutulan tapşırıqların icrası ötən il də diqqətdə saxlanılmışdır.

Ardını oxu...

00822333
Bu gün
Dünən
Bu həftə
Bu ay
Ümumi
10
136
146
3234
822333

Tarix: 19-03-2024
Biz, sosial şəbəkələrdə: