"Azərbaycanın təbiəti və Azərbaycanda
olan bütün başqa infrastruktur buna
imkan verir ki, ölkəmizə turistlər gəlsinlər"

Heydər Əliyev

 

 

 

 

Naxçıvan Muxtar Respublikasının Turizm Departamentində tələbələrlə görüş keçirilmişdir.

17 fevral 2023-cü il tarixdə Naxçıvan Muxtar Respublikasının Turizm Departamentində Naxçıvan Dövlət Universitetinin “Turizm və otelçilik” ixtisası üzrə təhsil alan IV kurs tələbələrinin 17 fevral 2023-cü il tarixdən 31 may 2023-cü il tarixədək keçəcəkləri istehsalat təcrübəsi ilə bağlı görüş keçirilmişdir.
Tədbiri giriş sözü ilə Departamentin direktoru Əkbər Novruzov açaraq istehsalat təcrübəsinin tələbələr üçün əhəmiyyətindən danışmış, bildirmişdir ki, ali məktəb tələbələrinin tədris prosesinin vacib istiqamətlərindən biri istehsalat təcrübəsidir. Bu təcrübələrin əsas məqsədi tələbələrin ilboyu auditoriyalarda əldə etdiyi nəzəri biliklərin təcrübə ilə vəhdətdə daha dərindən öyrənilməsi, onların peşəkar kadr kimi yetişməsindən ibarətdir. Qeyd olunmuşdur ki, turizm sahəsində kadr yetişdirmək, gələcəkdə onların bəhrəsini görmək üçün dövlətimiz tərəfindən lazımi işlər görülməkdədir. Muxtar respublikamızın zəngin turizm ehtiyatları əsasında güclü turizm sənayesi yaratmaq qarşıya qoyulmuş mühüm vəzifələrdən biridir.

Odur ki, yurdumuzun hər guşəsində turistləri özünə cəlb edən zənginliklərdən bacarıqla istifadə edə biləcək kadrların və kadr hazırlığı müəssisələrinin üzərinə böyük vəzifələr düşür.

Ardını oxu...

“Otel Qrand Naxçıvan” və Ağbulaq İstirahət Mərkəzinə Milli ulduz təsnifatına uyğun sertifikatlar təqdim edilib.

29 noyabr 2022-ci il tarixdə muxtar respublikada fəaliyyət göstərən turizm sənayesi nümayəndələri və turizm könüllülərinin iştirakı ilə Naxçıvan Muxtar Respublikasının Turizm Departamentində “Otel Qrand Naxçıvan”a və Ağbulaq İstirahət Mərkəzinə Milli ulduz təsnifatına uyğun sertifikatların təqdimat tədbiri keçirilib. 

Tədbiri giriş sözü ilə açan Departamentin direktoru Əkbər Novruzov ilk öncə muxtar respublikada dövlət tərəfindən turizm sahəsinə göstərilən diqqət və qayğıdan, eyni zamanda muxtar respublikanın turizm potensialından bəhs etmiş, sonra qeyd etmişdir ki, bu gün muxtar respublikada yerləşdirmə obyektlərinə olan tələbatı ödəmək məqsədilə 21 mehmanxana və mehmanxanatipli müəssisə fəaliyyət göstərir. Böyük turizm potensialına malik olan qədim diyarımızda dövlət proqramlarının, infrastruktur layihələrinin uğurlu icrası nəticəsində bu sahədə davamlı inkişafa nail olunmuş, turizmin inkişafı ilə bağlı həyata keçirilən tədbirlər davamlı xarakter almışdır.

Ardını oxu...

İngilis səyahət bloqerinin Naxçıvan barədə təəssüratları.

İngilis səyahət bloqeri, eyni zamanda “traveltheworldclub.com” səyahət bloqunun təsisçisi Barry Till Naxçıvan Turizm İnformasiya Mərkəzinə müraciət edərək Naxçıvan Muxtar Respublikasını gəzmək istədiyini bildirmişdir. Səyahət bloqerinə mərkəzin əməkdaşları tərəfindən ətraflı məlumat verilmiş, Naxçıvan Muxtar Respublikasının turizm potensialını əks etdirən bukletlər təqdim edilmiş və tur bələdçisi tapmaqda köməklik göstərilmişdir. Üçgünlük səfərdən sonra Barry Till Naxçıvan barədə təəssüratlarını Naxçıvan Turizm İnformasiya Mərkəzinin əməkdaşı ilə bölüşmüşdür. Həmin fikirləri təqdim edirik:

        “Mənim adım Barry Tilldir. İngiltərənin London şəhərindənəm və dünyanı səyahət edirəm. Təqaüdçüyəm, işləmirəm və səyahət etməyimə heç bir maneə yoxdur. Pandemiyadan əvvəlki 3 il ərzində mən artıq 75 ölkəyə səyahət etmişəm. Daha sonra isə pandemiya başladı və 2 ilə yaxın səyahət edə bilmədim. Pandemiyadan sonra isə səyahət etdiyim ilk ölkə Azərbaycan oldu. 

Ardını oxu...

Təbriz və Saat Meydanı hotellərinə Milli ulduz təsnifatına uyğun sertifikatlar təqdim edilib.

25 oktyabr 2022-ci il tarixdə muxtar respublikada fəaliyyət göstərən turizm sənayesi nümayəndələri və turizm könüllülərinin iştirakı ilə Naxçıvan Muxtar Respublikasının Turizm Departamentində Təbriz və Saat Meydanı hotellərinə Milli ulduz təsnifatına uyğun sertifikatların təqdimat tədbiri keçirilib. Tədbiri giriş sözü ilə açan Departamentin direktoru Əkbər Novruzov ilk öncə muxtar respublikada dövlət tərəfindən turizm sahəsinə göstərilən diqqət və qayğıdan, eyni zamanda muxtar respublikanın turizm potensialından bəhs etmiş, sonra qeyd etmişdir ki, bu gün muxtar respublikada yerləşdirmə obyektlərinə olan tələbatı ödəmək məqsədilə 21 mehmanxana və mehmanxanatipli müəssisə fəaliyyət göstərir. Böyük turizm potensialına malik olan qədim diyarımızda dövlət proqramlarının, infrastruktur layihələrinin uğurlu icrası nəticəsində bu sahədə davamlı inkişafa nail olunmuş, turizmin inkişafı ilə bağlı həyata keçirilən tədbirlər davamlı xarakter almışdır.

 

Qeyd olunmuşdur ki, muxtar respublikada fəaliyyət göstərən hotellərin daha sağlam rəqabət aparması, müvafiq mehmanxana və mehmanxana tipli obyektlərin seçimində istehlakçıya köməyin göstərilməsi, mehmanxana və mehmanxana tipli obyektlərin təsnifatı, ulduz kateqoriyalarının müəyyənləşdirilməsi və qiymətləndirməsi meyarlarının müəyyən edilməsi və tətbiq edilməsi məqsədi ilə Naxçıvan Muxtar Respublikası Nazirlər Kabinetinin 2005-ci il 16 sentyabr tarixli 131 nömrəli Qərarı ilə təsdiq olunmuş “Turist-ekskursiya xidmətlərinin sertifikatlaşdırılması Qaydası”na uyğun olaraq “Ekspert qrupu” yaradılmış, Saat Meydanı hotelinə və Təbriz mehmanxanasına AZS 745-2015 Azərbaycan Respublikası Dövlət Standartına müvafiq olaraq təsnifatdan keçirilərək Milli ulduz kateqoriyasının verilməsi üçün baxış keçirilmişdir. Nəticədə hotellərin təklif etdikləri xidmətlərin adıçəkilən standartdakı meyarlara uyğunluğu əsas götürülərək müvafiq ulduz dərəcələri ilə qiymətləndirilmiş və sertifikatlar hazırlanmışdır.

Ardını oxu...

Alman turistin Naxçıvan barədə təəssüratları.

Ötən həftə Almaniya vətəndaşı Thorsten Mueller Naxçıvanda olmuş, ölkəsinə qayıtdıqdan sonra Naxçıvana səyahət etdiyi tur rəhbərinə səs yazısı göndərərək təşəkkürünü çatdırmışdır. Həmin fikirləri təqdim edirik.

Mənim adım Thorsten Muellerdir. 52 yaşım var. Almaniyadan Naxçıvan Muxtar Respublikasına səfər etmişəm. Almaniyada orta məktəblərə bağlı sosial yardım təşkilatında işləyirəm. Bura səyahət etdiyim 77-ci ölkədir. Naxçıvan indiyə qədər gördüyüm ən təmiz məkandır. Hətta təmizlik baxımından Sinqapurdan da öndədir. Mən səfərdən öncə Almaniyada dedim ki, Naxçıvana səfər edirəm. Ətrafımda olan insanlardan heç kəs Naxçıvanı tanımırdı. Buranı hədsiz dərəcədə sevdim. Bura çox səliqəlidir və landşaftı ecazkardır. Sakinləri mehriban, havası isə əladır. Tur rəhbəri Kamal ilə burada çox yerləri gəzdik. Naxçıvan Palace Hoteldə gecələdim. Otel hədsiz dərəcədə gözəl idi. Birlikdə Əlincə qalasına getdik.Nəiminin türbəsini ziyarət etdik. Duzdağ Fizioterapiya Mərkəzində olduq. Qarabağlara getdik. Qarabağlar türbəsi məni daha çox heyrətləndirdi. Əlincə qalası mənə Qafqazın Maçu Piçusu təsirini bağışladı. Naxçıvanda işıqforun qırmızı rəngi sənin nə qədər gözləməli olduğunu bildirir. Vahid məktəbli geyimləri çox gözəldir. Almaniyada bununla rastlaşmamışam. Dünən biz çox gözəl restoranda idik. Orada yaxşı yeməklər yedik və bağda pivə içdim. Mən həyatım boyu çox pivələrin dadı ilə tanış olmuşam ancaq qeyd edim ki, bu, ən yaxşılarından idi.

Düşünürəm ki, Naxçıvanın çox böyük turizm potensialı vardır. Çox yaxşı olar ki, bura turistlər gəlib gəzsinlər. Mən Naxçıvana turistləri qruplar şəklində gətirməyin mümkünlüyünü yoxlayacağam. Qruplar 10-20 nəfərdən ibarət olacaqdır. Düşünürəm ki, növbəti il mən bu səfəri reallaşdıraram və gəlib Naxçıvanda istirahət edərik. Beləliklə Naxçıvanın Almaniyada daha çox insan tərəfindən tanınmasına nail olaram.

 

Naxçıvan Muxtar Respublikasının Turizm Departamentində “Turizmdə marketinq fəaliyyətinin təşkili” mövzusunda seminar keçirilmişdir.

19 oktyabr 2022-ci il tarixdə Naxçıvan Muxtar Respublikasının Turizm Departamentində Naxçıvan Dövlət və Naxçıvan Universitetlərinin Turizm və otelçilik ixtisası üzrə təhsil alan tələbələrinə Naxçıvan Muxtar Respublikasının turizm potensialı, Naxçıvan  Muxtar Respublikasının Turizm Departamentinin fəaliyyəti barədə məlumat verilmiş, Turizmdə marketinq fəaliyyətinintəşkili mövzusunda seminar keçirilmişdir.

Turizm Departamentinin “Turizmin inkişafı və təbliği” sektorunun əməkdaşı Orxan Cəfərov çıxış edərək bildirmişdir ki, bütün sahələrdə olduğu kimi turizm sahəsində də kadr hazırlığı ən mühüm məqsədlərdən biridir. Muxtar respublikada turizm sektorunun peşə və ixtisas səviyyəsi yüksək olan kadrlarla təminatı da diqqətdə saxlanılır. Naxçıvan Muxtar Respublikası Ali Məclisi Sədrinin 3 aprel 2019-cu il tarixli “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” Sərəncamına əsasən Naxçıvan Dövlət və Naxçıvan Universitetlərinin Turizm və otelçilik ixtisası üzrə təhsil alan tələbələri Naxçıvan  Muxtar Respublikasının Turizm Departamentinə hamiliyə verilmişdir. 

Ardını oxu...

01026796
Bu gün
Dünən
Bu həftə
Bu ay
Ümumi
111
204
748
6029
1026796

Tarix: 20-06-2024
Biz, sosial şəbəkələrdə: